- 2018-02-11 05:58:52
- ព័ត៌មាន
ពិធីការិនីល្បី៣រូប បង្ហាញមុខកូន បែរជាព្យាយាមលាក់អត្តសញ្ញាណស្វាមី
- 2018-02-11 05:58:52
- ចំនួនមតិ 0 | ចំនួនចែករំលែក 0
ពិធីការិនីល្បី៣រូប បង្ហាញមុខកូន បែរជាព្យាយាមលាក់អត្តសញ្ញាណស្វាមី
ចន្លោះមិនឃើញ
ក្នុងរង្វង់សិល្បៈ តារាស្រីមួយចំនួនបានរៀបការសាងគ្រួសារបានជាកូនពូនជាចៅ រស់នៅជាមួយគ្នាយ៉ាងមានសុភមង្គល។ យ៉ាងណាពិធីការិនី៣រូបខាងក្រោមនេះ ជាញឹកញាប់តែងបង្ហាញរូបភាពកូនដ៏គួរឲ្យស្រលាញ់របស់ខ្លួន តែបែរជាលាក់អត្តសញ្ញាណស្វាមីទៅវិញ។
១. ឈិត សុជាតា៖
អតីតពិធីការិនីរូបស្រស់អ្នកនាង ឈិត សុជាតា បានបញ្ជាក់ប្រាប់សារព័ត៌មានកាលដើមឆ្នាំឆ្នាំ២០១៧ថា នាងបានសម្រាលកូនភ្លោះប្រុសមួយស្រីមួយ នៅមន្ទីរពេទ្យឯកជនមួយ នៅប្រទេសថៃ។ ប៉ុន្តែអ្វីដែលធ្វើឲ្យមហាជនមានការងឿងឆ្ងល់នោះ មកទល់បច្ចុប្បន្ននេះ អ្នកនាង នៅមិនទាន់ហ៊ានបង្ហាញអត្តសញ្ញាណ និងមុខឪពុកកូនភ្លោះទាំងពីរនៅឡើយនោះទេ ទោះបីមានការ ទទូចសួរយ៉ាងណាក៏ដោយ នាងបានត្រឹមបង្ហោះរូបមុខស្វាមីពីចំហៀង និងពីក្រោយប៉ុណ្ណោះ ។
២. ពេជ្រ សិរីរ័ត្ន៖
ពិធីការិនី តុបំភ្លឺ ពេជ្រ សិរីរ័ត្ន ត្រូវបានគេដឹងថា មានកូនប្រុសស្រីដល់ទៅ២នាក់ ដោយមិនបានឆ្លងកាត់ជីវិតអាពាហ៍ពិពាហ៍។ កូនទាំងពីរកាន់តែចម្រើនវ័យ ប្លែកអ្វីតែអ្នកម្តាយមិនទាន់បង្ហាញមុខស្វាមីនៅឡើយ ទោះមានការជជីកសួរពីអ្នកសារព័ត៌មានយ៉ាងណា ក៏នាងសុំមិនបកស្រាយពីបញ្ហានេះ។
៣. យុគ ចិន្តា៖
ក្រោយព្យាយាមលាក់បាំងពីក្រសែភ្នែកមហាជនជាង ១០ឆ្នាំ ពិធីការិនីចាស់វស្សាអ្នកនាង យុគ ចិន្តា បានប្រកាសទទួលស្គាល់ថាកុមារីវ័យជំទង់ ឈ្មោះ យុគ ដាពេជ្រ ហៅ អម អាយុ១៤ ឆ្នាំថាជាកូនស្រីខ្លួន។ ទោះយ៉ាងណានៅតែធ្វើឱ្យមហាជនមានមន្ទិលថា តើអ្នកណាជាឪពុកក្មេងស្រីនោះ?
