រឿងពិតនៅពីក្រោយ ឆ័យ លីដាឡែន មានកូនត្រូវបានលាតត្រដាង(វីដេអូ)

2018-02-15 04:20:00
ជីវិតតារា

2018-02-15 04:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាជនដែលនិយមតាមដានព័ត៌មានសិល្បៈ ច្បាស់ជាបានដឹងហើយថា ឆ័យលី ដាឡែន មានកូនប្រុសម្នាក់វ័យជាង៣ខែមកហើយ។ ក្នុងអំឡុងពពោះ តារាសម្ដែងដែលល្បីខាងសម្ញែងដើមទ្រូងរូបនេះ មិនបានប្រាប់មហាជនថា នាងមានកូនឡើយ ហើយថែមទាំងបង្ហាញខ្លួនជាសាធារណៈទាំងខ្លួនមានផ្ទៃពោះច្រើនខែថែមទៀតផង។ តើតារាស្រីរូបនេះ មានវិធីសាស្ត្រអ្វីបានជាអាចបំភាន់ភ្នែកមហាជនបាន?

ក្នុងបទសម្ភាសជាមួយ Sabay ឆ័យលី ដាឡែន បានប្រាប់ថា នាងចាប់ផ្ដើមមានផ្ទៃពោះ បន្ទាប់ត្រលប់ពីការច្រៀងនៅសហរដ្ឋអាមេរិក គួបផ្សំកាលណោះ នាងឡើងគឺឡូ រហូតដល់ទៅ៦៣គីឡូ។ កូនក្នុងផ្ទៃបាន២ទៅ៣ខែ មិត្តភ័ក្ដិដែលឃើញពោះនាងប្លែក តែងសួរថា មានទម្ងន់ឬយ៉ាងណា ប៉ុន្តែនាងមិនបានប្រាប់ថា មានទម្ងន់ឡើយ គឺបានប្រាប់គេឯងថា ឡើងគីឡូ ឡើងក្បាលពោះ។

នាងនិងស្វាមីសប្បាយចិត្តជាខ្លាំង ពេលដែលមានកូនបែបនេះ ត្បិតអីរៀបការច្រើនឆ្នាំមកហើយ មិនទាន់មានកូនដូចបំណង។ ឆ័យលី ដាឡែន បានបន្តថា គួបផ្សំពេលនាងពពោះនោះ ការងារសិល្បរបស់នាងចាប់ផ្ដើមគេហៅថតកាន់តែច្រើន ហើយការងារចាស់ មិនទាន់បង្ហើយឲ្យគេផងនេះ ក៏ចេះតែបន្តកុហកគេរហូត។

គភ៌ចូលដល់វ័យ៤ទៅ៦ ខែ គីឡូ ឆ័យលី ដាឡែន ឡើងដល់៦៥ គីឡូ ហើយពោះកាន់តែរីកធំ នាងក៏ចាប់ផ្ដើមរឹបរាង ពេលចេញទៅកម្មវិធីផ្សេងៗ ប៉ុន្តែការរឹបរាងនោះ នាងរឹបមិនយូរឡើយ ពោលគឺក្រោយចប់កម្មវិធី បានស្រាយចេញវិញ ហើយក៏ញឹកញាប់ដែរ។

នាងលើកឡើងថា មិត្តភ័ក្ដិតែងតែសួរថា មានទម្ងន់ឬយ៉ាងណា ប៉ុន្តែនាងនៅតែឆ្លើយ គេចវេះថា ញ៉ាំច្រើន ឡើងគីឡូ ដុះក្បាលពោះគេដើម។

តារាស្រីខាងលើថ្លែងថា ក្នុងពេលរឹបក្បាលពោះម្ដងៗ គឺពិបាកអង្គុយ ហើយមានអារម្មណ៍ថា អាណិតកូនក្នុងផ្ទៃខ្លាំងណាស់ ទៅកម្មវិធីម្ដងបន់ឲ្យតែចប់ភ្លាមៗ។

ឆ័យលី ដាឡែន បានបន្តទៀតឲ្យដឹងថា នៅពេលដែលកូនក្នុងផ្ទៃចូលដល់វ័យ៧ខែ នាងឈប់បង្ហាញខ្លួនជាសាធារណៈ ហើយឧស្សាហ៍ទៅស្រុកកំណើតខាងស្វាមីរបស់នាង នៅឯខេត្តកំពង់ឆ្នាំង និងសម្រាលនៅទីនោះតែម្ដងទៅ។ បច្ចុប្បន្នកូនប្រុសឈ្មោះ តារា ឆៃយ៉ានុត របស់នាង មានអាយុជាង៣ខែមកហើយ កំពុងស្នាក់នៅស្រុកកំណើតខាងស្វាមីរបស់នាង នៅឯខេត្តកំពង់ឆ្នាំង ដោយម្ដាយក្មេកនាងជាអ្នកមើលថែ ហើយនាងឧស្សាហ៍ទៅលេងញឹកញាប់ ក្រោយទំនេរពីការងារ។