- 2018-02-20 04:16:18
- ជីវិតតារា
ធ្វើសង្សារជាមួយគ្នាមិនទាន់បានប៉ុន្មានផង ពេជ្រ សោភា ចង់លើសពីសង្សារជាមួយ សក្កដា បាត់
- 2018-02-20 04:16:18
- ចំនួនមតិ 0 | ចំនួនចែករំលែក 0
ធ្វើសង្សារជាមួយគ្នាមិនទាន់បានប៉ុន្មានផង ពេជ្រ សោភា ចង់លើសពីសង្សារជាមួយ សក្កដា បាត់
ចន្លោះមិនឃើញ
"លើសពីមិត្ត ១០០ឆ្នាំ" បទថ្មីរបស់ ពេជ្រ សោភា ដែលទើបតែបង្ហោះជាផ្លូវការកាលពីថ្ងៃទី១៤ កុម្ភៈ ក្រោយពីបានចេញបទ "មិត្ត ១០០ឆ្នាំ" កាលពីឆ្នាំមុន ដោយទទួលបានការគាំទ្រយ៉ាងខ្លាំងនៅលើហ្វេសប៊ុក និងលើ YouTube ដោយមានអ្នកទស្សនារាប់ម៉ឺននាក់ក្នុងរយៈពេលដ៏ខ្លី។
បទចម្រៀងដែលផលិតដោយក្រុមហ៊ុន OPPO នេះ បង្ហាញពីស្នេហាកើតចេញពីមិត្តភាព មានទាំងភាពរំភើបរីករាយ ការប្រចណ្ឌអន់ចិត្ត និងយល់ច្រឡំគ្នា ដែលធ្វើឲ្យចាក់ដោតបេះដូងអ្នកទស្សនា។
លោក លាង នរិន្ទ នាយកផ្នែកទីផ្សារ OPPO ប្រចាំកម្ពុជា បានឲ្យដឹងថា៖ "យើងពិតជារំភើបយ៉ាងខ្លាំងដែលបទចម្រៀងយើងផលិតសុទ្ធតែទទួលការគាំទ្រពីអ្នកស្ដាប់ ហើយក្រៅពីការនាំយកបច្ចេកវិទ្យាទូរសព្ទដៃទំនើបទាន់សម័យ បំពេញតាមតម្រូវការអ្នកប្រើប្រាស់ យើងក៏បានរួមចំណែកធំមួយក្នុងការលើកស្ទួយសិល្បៈចម្រៀងសម័យនៅកម្ពុជាផងដែរ"។
OPPOបានផលិតបទចម្រៀងពិរោះៗ ៣បទរួចមកហើយ ដោយទទួលការគាំទ្រខ្លាំងពីយុវវ័យ ក្នុងនោះមានបទ "មិត្ត ១០០ឆ្នាំ" និង "លើសពីមិត្ត ១០០ឆ្នាំ" ច្រៀងដោយអ្នកនាង ពេជ្រ សោភា ព្រមទាំងបទ "សាកស្រឡាញ់គ្នាបានទេ?” ច្រៀងដោយកញ្ញា រ៉េត ស៊ូហ្សាណា និងលោក Step ។
ចង់ដឹងបទ "លើសពីមិត្ត ១០០ឆ្នាំ" ចាក់ដោតប៉ុណ្ណា ទើបមានអ្នកមើលច្រើនក្នុងពេលខ្លីបែបនេះ មើលវីដេអូខាងក្រោម៖
