បុរសសង្ស័យគូស្នេហ៍ នីឡា ចេញវីដេអូផ្អែមល្ហែមជាមួយគ្នា

2018-03-01 07:56:57
ជីវិតតារា

2018-03-01 07:56:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីផ្ដាច់ពាក្យជាមួយគូដណ្ដឹងរួចមកឥឡូវនេះបុរសម្នាក់ ដែលជាប់សង្ស័យថា ជាគូស្នេហ៍ថ្មីរបស់ នីឡា បានបង្ហាញវីដេអូយ៉ាងផ្អែមល្ហែមជាមួយគ្នាក្នុងដំណើរកម្សាន្តមួយនៅសមុទ្រ។

វីដេអូឃ្លិបដែលបុរសនោះយកទៅបង្ហោះនៅលើ Youtube បានភ្ជាប់សារមួយឃ្លាជាភាសាអង់គ្លេសលាយជាមួយសំណេរបែបខ្មែរថា៖" Trip with honey nop @pila _nyla មានន័យជាភាសាខ្មែរថា ដំណើរកម្សាន្តជាមួយអូនសម្លាញ់សំណព្វ ពីឡា នីឡា"។

សារមួយឃ្លា និងសកម្មភាពផ្អែមល្ហែមក្នុងវីដេអូ បានធ្វើឲ្យហ្វេនៗមួយចំនួនយល់ថា បុរសម្នាក់ហ្នឹងគឺជាគូស្នេហ៍ថ្មីរបស់ នីឡា ព្រោះក្រោយពីបែកបាក់គូដណ្ដឹងមកកូនស្រី តាវ៉ិចទ័រ រូបនេះមិនធ្លាប់បង្ហាញភាពស្និទ្ធស្នាលជាមួយប្រុសណាផ្សេងក្រៅពី បុរសធ្លាប់សង្ស័យថាជាគូស្នេហ៍ នាងឡើយ។

ទាក់ទងវីដេអូឃ្លិបខាងលើ នីឡា និង បុរសដែលជាប់ពាក់ព័ន្ធមិនអាចសុំការបកស្រាយបានទេ ប៉ុន្តែកន្លងមក តារាកំប្លែងរូបនេះធ្លាប់ Live នៅលើទំព័រហ្វេសប៊ុកថា បុរសដែលខ្លួន លេងសើច និងបង្ហាញភាពស្និទ្ធស្នាលជាមួយគឺជាបងប្អូនជីដូនមួយ មិនមែនជាគូស្នេហ៍ របស់នាង ទេ៕