- 2018-03-08 09:11:38
- ព័ត៌មាន
ក្ដុកក្ដួល! ខេម រៀបរាប់រឿងកម្សត់កម្រ ដែលនាំឲ្យខ្លួនដឹងគុណ យូឌីស្កូ ដល់សព្វថ្ងៃ
- 2018-03-08 09:11:38
- ចំនួនមតិ 0 | ចំនួនចែករំលែក 0
ក្ដុកក្ដួល! ខេម រៀបរាប់រឿងកម្សត់កម្រ ដែលនាំឲ្យខ្លួនដឹងគុណ យូឌីស្កូ ដល់សព្វថ្ងៃ
ចន្លោះមិនឃើញ
ក្នុងសមាគមសិល្បករទាំងមូល អ្នកនាង ចន ច័ន្ទលក្ខិណា បាននិយាយថា តារាចម្រៀង ខេម គឺជាអ្នកដែលឈឺឆ្អាលនិងដុតដៃដុតជើងជាងគេ ក្នុងការបំផុសឲ្យមានការបង្កើតមូលនិធិសម្រាប់ជួយដល់ព្យាបាលជំងឺរបស់លោក យូឌីស្កូ។ ជុំវិញរឿងរ៉ាវនេះត្រូវបាន ខេម ផ្ទាល់ អះអាងក្នុងវីដេអូផ្សាយផ្ទាល់ថា នេះដោយសារលោកនឹកគុណដល់រៀមច្បងធ្លាប់ជួយលោកកន្លងមក។
តារាសម្លេងស្អករំលឹកថា កាលពីឆ្នាំពី២០១៧ ពោលគឺក្រោយលោកជាប់ជាជយលាភីក្នុងកម្មវិធី Boy Band លោកបានជួបប្រទះគ្រោះថ្នាក់ចរាចរណ៍មួយលើស្ពានអាកាសក្បាលថ្នល់ដែលកាលណោះ គឺលោក យូឌីស្កូ នេះហើយដែលជួយមើលថែ និងទំនុកបម្រុងទម្រាំខ្លួនជាសះស្បើយឡើងវិញ។
“កាលជាប់ជយលាភីដំបូងៗជីវភាពខ្ញុំពិបាកណាស់ តែពេលនោះមានបង យូឌីស្កូ បានទិញអាហារមកសួរសុខទុក្ខមើលថែ ហើយខ្ញុំទំពាអាហារមិនបានគាត់យកម៉ាស៊ីនទឹកក្រឡុក មកកិនឲ្យហូបទៀត ដែលពេលនោះខ្ញុំមិនទាន់ល្បីផង គឺពិតជារំភើបណាស់ដែលសិស្សធ្វើបែបនេះចំពោះខ្ញុំ"។ ខេម រៀបរាប់។
ជាមួយការបង្កើតមូលនិធិនេះ លោកសង្ឃឹមថាសប្បុរសជនទាំងឡាយអាចជួយគ្នាមួយដៃមួយជើងក្នុងការដើម្បីផ្គត់ផ្គង់លើការចំណាយព្យាបាលតារាចម្រៀងចាស់វស្សានេះបាន ត្បិតលោកពិតជាស្ដាយអ្នកមានសមត្ថភាពរូបនេះណាស់៕
