អាណិតណាស់ ហង្ស ម៉ារីនី ជួយគេវ័ណ្ឌកខ្លួនឯងហើយពេលនេះ

2018-03-14 05:20:00
ជីវិតតារា

2018-03-14 05:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែការស្រឡាញ់រាប់អានគ្នាជាច្រើនឆ្នាំមកនេះទើប ហង្ស ម៉ារីនី ហ៊ានឲ្យលុយមិត្តភ័ក្ដិមួយចំនួនខ្ចីអស់ខ្ទង់ម៉ឺនដុល្លារឯណោះ តែលទ្ធផលចុងក្រោយនាង បែរជាប្រកាសលក់ផ្ទះខ្លួនឯងទៅវិញ ដើម្បីដោះទាល់មួយគ្រាក្នុងមុខរបររកស៊ី។

ហង្ស ម៉ារីនី និយាយថា ខ្លួនមិនចង់លក់ផ្ទះយកប្រាក់ទៅបង្វិលការរកស៊ីនោះទេ តែមិនដឹងធ្វើយ៉ាងណាបើអ្នកដែលជំពាក់ប្រាក់នាង ដល់ថ្ងៃកំណត់ហើយមិនឃើញសងត្រឡប់មកវិញ បែរជាពន្យារមួយខែហើយមួយខែទៀត ហើយអ្នកដែលជំពាក់លុយខ្លួនមិនមែនមនុស្សតែម្នាក់ទេ គឺច្រើននាក់ បូកសរុបចូលគ្នាប្រហែលខ្ទង់ ២ ម៉ឺនដុល្លារអាមេរិក។

“ខ្ញុំអ្នករកស៊ីបោះដុំឥវ៉ាន់ទិញមកពីក្រៅប្រទេសអ៊ីចឹងគឺត្រូវការលុយបង្វិលហើយបង ទើបការរកស៊ីយើងដំណើរការទៅមុខ ដល់ពេលគេជំពាក់ខ្ញុំអត់សងអ៊ីចឹង មានតែលក់ផ្ទះ"។ ហង្ស ម៉ារីនី បន្ថែម។

អត្ថបទ៖ ឆុង ស៊ីណាន