- 2018-05-02 07:20:16
- ព័ត៌មាន
អែត វីន ចេញទៅលើកពាន នៅកូរ៉េស្អែកនេះ
- 2018-05-02 07:20:16
- ចំនួនមតិ 0 | ចំនួនចែករំលែក 0
អែត វីន ចេញទៅលើកពាន នៅកូរ៉េស្អែកនេះ
ចន្លោះមិនឃើញ
តារាសម្ដែង អែត វីន បានបង្ហើបឲ្យដឹងថា នៅថ្ងៃស្អែកនេះ លោកនឹងឡើងយន្តហោះទៅប្រទេសកូរ៉េ ដើម្បីទៅទទួលពានតារាសម្ដែងប្រចាំប្រទេស ក្នុងកម្មវិធីប្រកួតមួយនៅទីនោះ។ កម្មវិធីដែលតារាប្រុសល្បីខាងបញ្ចេញសាច់ដុំនោះទៅចូលរួម មានឈ្មោះថា Asia Model Festival 2018 ដែលជាកម្មវិធីប្រកួតការដើរបង្ហាញម៉ូដអន្តរជាតិល្បីឈ្មោះមួយ បច្ចុប្បន្នមានតារាកម្ពុជាកំពុងតែចូលរួមប្រកួតផងដែរ។
Asia Model Festival 2018 បានធ្វើនៅទីក្រុងសេអ៊ូល ប្រទេសកូរ៉េ ដែលកម្មវិធីចាប់ផ្ដើមទាំង ពីថ្ងៃទី២៥ ខែ មេសា រហូតដល់ ថ្ងៃទី៧ ខែ ឧសភា ឆ្នាំ ២០១៨ ដោយនៅក្នុងនោះ មានប្រទេសចំនួន២៦ នៅទ្វីបអាស៊ីចូលរួម ហើយនេះជាឆ្នាំទី១៣ហើយ ដែលកម្មវិធីលំដាប់អន្តរជាតិនេះបានធ្វើ។
តារាម៉ូដែលកម្ពុជាដែលកំពុងតែចូលរួមប្រកួតកម្មវិធីខាងលើនោះមានឈ្មោះថា គឺបេក្ខជនឈ្មោះ លោក ប្រាជ្ញ ឆវ័ន្ដ និង បេក្ខនារីកញ្ញា ប៉ូ គឹមថេងសុតធីតា ដែលពួកគេទាំង២នាក់ ត្រូវបានកញ្ញា សូរ្យ អេនណា ប្រធានក្រុមម៉ូដែល"តារារះថ្មីកម្ពុជា" បានដឹកនាំទៅ តាំងពីយប់ថ្ងៃទី២៣ ខែ មេសា កន្លងទៅ។ ខុសប្លែកគេ លោក អែត វីន ចេញទៅកម្មវិធីខាងលើ គឺលោកទៅទទួលពានតែម្ដង មិនចាំបាច់ចូលរួមប្រកួត ដូច លោក ប្រាជ្ញ ឆវ័ន្ដ និង កញ្ញា ប៉ូ គឹមថេងសុតធីតា នោះទេ។ ត្រង់នេះ កញ្ញា សូរ្យ អេនណា បានបញ្ជាក់ឲ្យដឹងថា Asia Model Festival ប្រទេសដែលចូលរួម គឺទទួលបានពាន១ដោយស្វ័យប្រវត្តិតែម្ដង ហើយពានដែល អែត វីន បាននេះ គឺជាពានតារាតំណាងប្រទេសដែលបានចូលរួម ។ ពានដដែលនេះកាលឆ្នាំកន្លងទៅ កម្ពុជាទៅចូលរួមការប្រកួតដែរនោះ សូរ្យ អេនណា ប្រាប់ថា ខ្លួននាងខ្លួនឯងធ្លាប់ទទួលម្ដងរួចមកហើយ។
សូរ្យ អេនណា បានបញ្ជាក់ឲ្យដឹងបន្ថែមទៀតថា មុនទៅចូលរួមប្រកួត គឺមានការជ្រើសរើសពីគណៈកម្មការ "Asia Model Festival” នៅប្រទេសកូរ៉េ មិនមែនធ្វើឡើងស្រេចតែចិត្តឡើយ។ ក្រុមរបស់នាងក្រុមម៉ូដែលរបស់នាងបានបញ្ជូនតារាម៉ូដែលក្នុងប្រទេសកម្ពុជាជាច្រើនរូប ដើម្បីឲ្យគណៈកម្មការ"Asia Model Festival” នៅប្រទេសកូរ៉េជ្រើសរើស ហើយជាលទ្ធផល គណៈកម្មការជ្រើសរើសតែ២នាក់ប៉ុណ្ណោះ គឺលោក ប្រាជ្ញ ឆវ័ន្ដ និង កញ្ញា ប៉ូ គឹមថេងសុតធីតា ជាបេក្ខជនចូលរួមប្រកួត ចំណែកអ្នកដែលត្រូវទទួលពានតំណាងប្រទេសដែលចូលរួម គឺបានសម្រេចយកលោក អែតវីន។ អែតវីន និយាយថា ខ្លួននឹងឡើងយន្តហោះនៅម៉ោង១១កន្លះ យប់ស្អែកនេះ ដោយការលើកពាននៅក្រៅប្រទេសនេះ តារាសម្ដែងដែលប្រកាន់ជំហរដាច់ខាតតួឯកបានសម្ដែងរូបនេះ ប្រាប់ថា ខ្លួនធ្លាប់បានទទួល២លើកមកហើយ នៅឆ្នាំ២០១៤ ម្ដងនៅប្រទេសចិន និង ឆ្នាំ ២០១៥ នៅប្រទេសឥណ្ឌូណេស៊ី៕
