អុញនោះ! Drake និង Rihanna លែងជាមិត្តភ័ក្ដិនឹងគ្នាហើយ!

2018-05-04 04:40:00
ជីវិតតារា

2018-05-04 04:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីទាក់ទងគ្នាជាញឹកញាប់ម្ដងជាសង្សារម្ដងជាមិត្តភ័ក្ដិ ពេលនេះកំពូលតារាចម្រៀង Drake និង Rihanna លែងរាប់អានគ្នាហើយ។

នៅក្នុងកិច្ចសម្ភាសន៍មួយជាមួយទស្សនាវដ្ដី Vogue តួសម្ដែងក្នុងរឿង "Ocean's 8” Rihanna បានរៀបរាប់ការចងចាំខ្លះៗ អំពីទំនាក់ទំនងអ្នកទាំងពីរក៏ដូចជាការបង្ហាញខ្លួនលើឆាកជាមួយគ្នា នៅក្នុងកម្មវិធី MTV VMAs ឆ្នាំ ២០១៦ និងកម្មវិធីប្រគល់ពាន Billboard ជាដើម។

ចំពោះស្ថានភាពពេលនេះ Rihanna បាននិយាយដូច្នេះថា "យើងមិនមានមិត្តភាពអ្វីជាមួយគ្នាទេ សម្រាប់ពេលនេះ ប៉ុន្តែយើងក៏មិនមែនជាសត្រូវនឹងគ្នាដែរ"។

នេះដោយសារតែក្រោយបែកបាក់ស្នេហារវាងអ្នកទាំងពីរភ្លាមៗ Drake បានចាប់ផ្ដើមទាក់ទងជាមួយតារាស្រីៗល្បីៗដូចជា Bella Hadid និង Bria Vinaite ជាដើម។ ម្ចាស់បទ "Umbrella” បានប្រាប់ទស្សនាវដ្ដី Vogue ថាពេលនេះនាងកំពុងតែមានទំនាក់ទំនងស្នេហាជាមួយបុរសម្នាក់ ប៉ុន្តែនាងមិនចង់ប្រាប់ឈ្មោះថា អ្នកណានោះទេ។ ប៉ុន្តែអ្នកគាំទ្រជាច្រើនបានគិតថានាងកំពុងតែទាក់ទងជាមួយមហាសេដ្ឋីមួយរួបឈ្មោះ Hassan Jameel។

ក្រៅពីរឿងរ៉ាវស្នេហា Rihanna បានកាប់កាប់ជំនួញផ្ទាល់ខ្លួន និងព្រមទាំងបានចូលរួមសម្ដែងក្នុងភាពយន្តខ្នាតធំទៀតផង៕