- 2018-05-09 04:11:31
- ជីវិតតារា
ស្មោះស្ម័គ្រមែន តាំងពីចូលសិល្បៈ តារាទាំងនេះមិនដែលផ្លាស់ប្តូរទ្រនំសោះ
- 2018-05-09 04:11:31
- ចំនួនមតិ 0 | ចំនួនចែករំលែក 0
ស្មោះស្ម័គ្រមែន តាំងពីចូលសិល្បៈ តារាទាំងនេះមិនដែលផ្លាស់ប្តូរទ្រនំសោះ
ចន្លោះមិនឃើញ
តារាចម្រៀងជាច្រើនបានផ្លាស់ប្ដូរផលិតកម្មជាបន្តបន្ទាប់ដើម្បីទីផ្សារចម្រៀងរបស់ខ្លួន តែតារាចម្រៀងមួយចំនួនតាំងពីប្រលូកក្នុងវិស័យចម្រៀងមក មិនដែលផ្លាស់ប្ដូរផលិតកម្មទាល់តែសោះ ដោយស្មោះស្ម័គ្រនឹងទ្រនំរបស់ខ្លួនខ្លាំងណាស់។ Sabay សូមលើកយកតារាចម្រៀងទាំងនោះ រួមមាន៖
១. ព្រាប សុវត្ថិ
តាំងពីចូលច្រៀងនៅផលិតកម្មហង្សមាសដំបូងក្នុងឆ្នាំ១៩៩៧ រហូតមកទល់ពេលនេះ តារាចម្រៀងកូន៣រូបនេះមិនធ្លាប់ផ្លាស់ប្តូរផលិតកម្មម្ដងណានោះឡើយ សូម្បីតែលេចឮថាចង់ចាកចេញ ក៏ម្ចាស់បទ "ខ្លុយស្នេហ៍ត្នោតទេរ" មិនដែលបង្ហើបនោះទេ។
២. មាស សាលី
គិតមកទល់ពេលនេះ ម្ចាស់បទ "អង្គរក្សបេះដូង" បានជ្រកក្រោមផលិតកម្មសាន់ដេ ប្រមាណជាង១០ឆ្នាំមកហើយ។ បើទោះបទចម្រៀងរបស់លោកស្ងប់ស្ងាត់មួយរយៈធំ និងធ្លាប់លេចឮថា តារាវ័យ៣៦ឆ្នាំធ្លាប់អាក់អន់ចិត្តនឹងផលិតកម្មក៏ដោយ តែលោក មាស សាលី ប្រាប់ថា មិនចាកចោលពីផលិតកម្មសាន់ដេ នោះទេ។
៣. ពេជ្រ សោភា
ប្រលូកក្នុងវិស័យចម្រៀងដំបូងនៅចុងឆ្នាំ ២០០៤ ក្នុងផលិតកម្មហង្សមាសជាមួយបទល្បី Better Day។ បើទោះកន្លងមក តារាចម្រៀងមកពីខេត្តព្រៃវែងរូបនេះ ធ្លាប់ធ្វើឲ្យទស្សនិកជនជនភ្ញាក់ផ្អើលនឹងដំណឹងចង់ចាកចេញពីផលិតកម្មធំនេះ តែក្រោយមកអ្នកនាងបានបង្ហោះសារក្នុង Faceboook យ៉ាងច្បាស់លាស់ថា "កន្លែងចាស់មិនមែនជាស្ពាននោះទេ តែជាកន្លែងដែលខ្ញុំត្រូវនៅរហូត"។
៤. ខេម
តារាចម្រៀងសំឡេងស្អករូបនេះនៅទ្រនំ ថោន ប្រមាណ៧ឆ្នាំមកហើយតាំងពីចូលសិល្បៈមក។ តារារូបនេះត្រូវបានផលិតកម្មហង្សមាសចែចូវ តែម្ចាស់បទ «ទឹកភ្នែកជនពាល» ប្រាប់ថាមានអនុស្សាវរីយ៍ច្រើនជាមួយ ថោន ដូច្នេះហើយខ្លួនមិនទាន់គិតគូរចង់ផ្លាស់ប្ដូរផលិតកម្មនោះទេ។
៥. ណុប បាយ៉ារិទ្ធ
តារាចម្រៀងសាច់ស្អាតរូបនេះបានក្រាញននៀលនៅហង្សមាសអស់រយៈពេលច្រើនឆ្នាំមកហើយ។ កាលពីអំឡុងឆ្នាំ២០០៨ ពេលនោះតារាចម្រៀងកើតឆ្នាំ១៩៨១ មានភាពស្ងប់ស្ងាត់ក្នុងការចេញបទចម្រៀង និងថែមទាំងមានលេចឮថាចង់ចាកចេញពីហង្សមាសថែមទៀតផង។ តែរហូតមកដល់ពេលនេះ លោកនៅតែស្មោះស្ម័គ្រនឹងហង្សមាស និងថែមទាំងបានអូសទាញតារាចម្រៀង នីកូ ជាប្អូនប្រុសមករួមផលិតកម្មជាមួយគ្នាទៀតផង៕
