- 2018-05-10 03:00:22
- ជីវិតតារា
ទ្រាំលែងបាន ម៉ៅ ស៊ីណាត សម្រេចចែកផ្លូវជាមួយប្ដីសក្តិ៥
- 2018-05-10 03:00:22
- ចំនួនមតិ 0 | ចំនួនចែករំលែក 0
ទ្រាំលែងបាន ម៉ៅ ស៊ីណាត សម្រេចចែកផ្លូវជាមួយប្ដីសក្តិ៥
ចន្លោះមិនឃើញ
បន្ទាប់ពីរស់នៅជាមួយមន្ត្រីយោធាពាក់សក្តិ៥ ម្នាក់ ដោយមិនឆ្លងកាត់ការរៀបការជាច្រើនឆ្នាំ ហើយទទួលបានកូនស្រីម្នាក់ជាចំណងដៃ តារាចម្រៀងស្រី អ្នកនាង ម៉ៅ ស៊ីណាត បានបង្ហើបឲ្យ Sabay ដឹងនៅព្រឹកនេះថា ខ្លួនបានលែងលះស្វាមីរូបនោះហើយ ហេតុផលក៏ព្រោះតែប្ដីរបស់អ្នកនាងមិនស្មោះនឹងខ្លួន។
អ្នកនាង ម៉ៅ ស៊ីណាត បានបន្តឲ្យដឹងថា ហេតុផលដែលនាំឲ្យអ្នកទាំងពីរចែកផ្លូវគ្នា ក៏ព្រោះអ្នកនាងទ្រាំលែងបាននៅពេលដែលដឹងថា ស្វាមីដែលធ្លាប់ឱបជាប់ទ្រូងរាល់ថ្ងៃ លួចទៅមានស្រីខាងក្រៅ ហើយការលួចលាក់នេះមិនមែនតែពេលថ្មីៗនេះទេ ពោលគឺបានកើតឡើងជាញឹកញាប់ ហើយច្រើនឆ្នាំមកហើយ។
ដោយទ្រាំលែងបានទើបអ្នកនាងសម្រេចចិត្តចែកផ្លូវគ្នាដើររៀងៗខ្លួនតែម្ដង។ តារាចម្រៀងស្រីរូបនេះបញ្ជាក់ថា ការលែងលះមិនបានធ្វើនៅតុលាការទេ ត្បិតអីអ្នកទាំងពីរមិនបានចុះសំបុត្រអាពាហ៍ពិពាហ៍ គឺត្រឹមតែភាគីទាំងសងខាងព្រមព្រៀងគ្នាប៉ុណ្ណោះ។
ចំពោះកូនស្រីដែលមានវ័យ១ឆ្នាំ២ខែ ដែលជាតំណក់ឈាមរបស់អ្នកទាំង២នោះ ត្រូវបានអ្នកនាង ម៉ៅ ស៊ីណាត ជាអ្នកគ្រប់គ្រងចិញ្ចឹម។ អ្នកនាងថា គ្មានហេតុផលណា ដែលអ្នកទាំងពីរត្រូវគ្នាវិញឡើយ ទោះបីជាមានការសម្រុះសម្រួលតាមរូបភាពបែបណាក្ដី ដោយអ្នកនាងសុខចិត្តរស់នៅជាស្ត្រីមេម៉ាយ មិនស្ដាយស្រណោះឡើយ។
ទាក់ទងបញ្ហាចែកផ្លូវគ្នានេះ Sabay មិនអាចសុំការបកស្រាយពីភាគីស្វាមីអ្នកនាង ម៉ៅ ស៊ីណាត បាននៅឡើយទេ។
អ្នកនាង ម៉ៅ ស៊ីណាត បានមានទំនាក់ទំនងជាមួយ លោក វិសាល ដែលគេដឹងថា ជាមន្ត្រីយោធាពាក់សក្តិ៥ ជាច្រើនឆ្នាំមកហើយ ពោលចាប់តាំងពីតារាចម្រៀងរូបនេះបានលែងលះជាមួយប្ដីដើមដាច់ស្រេច។ ប្ដីដើមរបស់អ្នកនាង ត្រូវបានគេស្គាល់ថា ជាអតីតមេធាវីល្បីឈ្មោះ មួយរូប ឈ្មោះ លោក កា សាវុធ ដោយលោកបានស្លាប់កាលពីប៉ុន្មានឆ្នាំមុននេះ។ កាលមានទំនាក់ទំនងប្ដីដើម អ្នកនាងមានកូនប្រុសម្នាក់ បច្ចុប្បន្នមានវ័យជាង១៧ឆ្នាំហើយ។
