- 2018-05-29 02:48:54
- ព័ត៌មាន
ក្រោយរយៈពេលជាង ១០ ឆ្នាំ យក់ ថិតរដ្ឋា វិលប៉ះគ្នាជាថ្មី ជាមួយស្វាមី
- 2018-05-29 02:48:54
- ចំនួនមតិ 0 | ចំនួនចែករំលែក 0
ក្រោយរយៈពេលជាង ១០ ឆ្នាំ យក់ ថិតរដ្ឋា វិលប៉ះគ្នាជាថ្មី ជាមួយស្វាមី
ចន្លោះមិនឃើញ
នេះជាលើកទី២ហើយ ដែលអ្នកនាងយក់ ថិតរដ្ឋា បានសម្ដែងខ្សែភាពយន្តជាមួយលោក ឃុំ ប៉ុណ្ណាដែត ជាស្វាមី។ អំឡុងជាង១០ឆ្នាំមុន អ្នកទាំងពីរក៏សម្ដែងរួមគ្នាជាលើកដំបូងប៉ះចំប្រភេទរឿងខ្មោច លុះដល់ឥលូវសម្ដែងជាមួយគ្នាម្ដងទៀត ក៏ប៉ះចំរឿងខ្មោច។
ខ្សែរឿងទី២នេះមានចំណងជើងថា "ចិញ្ចៀនខ្មោច" ដែលអ្នកនាង យក់ ថិតរដ្ឋា និងលោក ឃុំ ប៉ុណ្ណាដែត សម្ដែងជាតួអង្គប្តី ប្រពន្ធនឹងគ្នាក្នុងរឿងទៀតផង។
ម្ចាស់បទ "មួយណាក៏ដូចមួយណា" បង្ហាញអារម្មណ៍រីករាយខ្លាំង និងសង្ឃឹមមានការគាំទ្រពេលមានឱកាសថតភាពយន្តជាមួយស្វាមីជាថ្មីម្ដងទៀត អស់ពេលជាង១០ឆ្នាំមកនេះ បន្ទាប់ពីនាង បានឈរលើវិថីសិល្បៈម្នាក់ឯង ឯ ឃុំ ប៉ុណ្ណាដែត ចេញឆ្ងាយពីពិភពសិល្បៈ រវល់គិតគូរលើមុខជំនួញ។
រឿងខ្មោចបែបភ័យរន្ធត់លាយឡំសំណើច ត្រូវបានម្ចាស់ផលិតកម្ម LD Picture លោក លៀក លីដា ប្រាប់មូលហេតុយកអ្នកនាងយក់ ថិតរដ្ឋា និងលោក ឃុំ ប៉ុណ្ណាដែត មកសម្ដែងជាប្តីប្រពន្ធនឹងគ្នាក្នុងរឿងនេះ ក៏ព្រោះអ្នកទាំង២ជាគ្រួសារនឹងគ្នាស្រាប់ ម្ល៉ោះហើយគ្មានអ្នកណាស័ក្ដិសមជាងនេះនោះទេ។
លោក លីដា ប្រាប់ថា បានចំណាយទុនច្រើនក្នុងការផលិតរឿង "ចិញ្ចៀនខ្មោច" ដើម្បីសម្រិតសម្រាំងឲ្យមានគុណភាពល្អស្របតាមស្តង់ដា។ ក្រៅពីភ័យលស់ព្រលឹង កំប្លែងសើចចុកពោះ រឿងនេះក៏បង្កប់អត្ថន័យអប់រំ កុំឲ្យលោភលន់យកទ្រព្យសម្បត្តិអ្នកអ្នកដទៃផង។ ខ្សែរឿងនេះ នឹងបញ្ចាំងជូនទស្សនាតាមរោងភាពយន្តទូទាំងរាជធានីភ្នំពេញ នៅថ្ងៃ៣១ ខែឧសភា ខាងមុខនេះ៕
