- 2018-05-29 03:05:22
- ព័ត៌មាន
អាថ៌កំបាំងក្បាច់រាំទ្រេតទៅមុខរបស់ Michael Jackson ត្រូវបានបកស្រាយ
- 2018-05-29 03:05:22
- ចំនួនមតិ 0 | ចំនួនចែករំលែក 0
អាថ៌កំបាំងក្បាច់រាំទ្រេតទៅមុខរបស់ Michael Jackson ត្រូវបានបកស្រាយ
ចន្លោះមិនឃើញ
ក្បាច់រាំទ្រេតទៅមុខក្នុងបទ "Smooth Criminal” របស់អតីតតារាចម្រៀង Michael Jackson គឺនៅតែជាចម្ងល់របស់អ្នកគាំទ្រ និងមហាជនទូទៅ ថាលោកមានវិធីអ្វីទើបអាចឈរទ្រេតទៅមុខបានដោយមិនដួលបែបនេះ ប៉ុន្តែឥឡូវនេះ ចម្ងល់ទាំងនេះត្រូវបានអ្នកវិទ្យាសាស្ត្រស្រាវជ្រាវរកឃើញវិធីសាស្ត្រនៃក្បាច់រាំរបស់អតីតតារាចម្រៀងរូបនេះហើយ។
អស់រយៈពេលជាង ៣០ឆ្នាំ នៅទីបំផុត ក្រុមគ្រូពេទ្យបានរកឃើញទ្រឹស្ដីមួយ។ ក្រុមគ្រូពេទ្យទាំងនោះ បានប្រាប់កាសែតមួយថា ក្បាច់រាំរបស់អតីតតារាចម្រៀង Michael Jackson អាចធ្វើឡើងទៅបានដោយសារមានជំនួយពីស្បែកជើងដែលមានការច្នៃជាពិសេស។ ស្បែកជើងនោះដែរ ត្រូវគេខួងប្រហោងរាងត្រីកោណមួយនៅត្រង់កែងស្បែកជើង ហើយអាចនឹងឆក់ជាប់ជាមួយនឹងលោហធាតុដែកម៉្យាងដែលគេបានរៀបចំឡើងរួចជាស្រេចនៅលើឆាកប្រគំតន្ត្រីនៅត្រង់កន្លែងណាមួយ។
លោហធាតុដែកនោះដែរ អាចឲ្យតារាចម្រៀងរូបនេះទម្រេតខ្លួនបាន ៤៥ ដឺក្រេ ដោយគ្មានការដួលអ្វីឡើយ។
គួរបញ្ជាក់ដែរថា ក្រុមគ្រូពេទ្យ និងអ្នកគាំទ្រមួយចំនួនរបស់អតីតតារាចម្រៀងរូបនេះ បានព្យាយាមចម្លងស្ទិលរាំរបស់លោកមួយនេះ ប៉ុន្តែមិនអាចធ្វើទៅបាន ហើយថែមទាំងបង្កឲ្យពួកគេបានរបួសទៀតផង៕
ទស្សនាវីដេអូបទចម្រៀងខាងក្រោម៖
