- 2018-06-01 02:35:09
- ជីវិតតារា
ឃុំ ប៉ុណ្ណាដែត ពិចារណាវិលចូលអាជីពចម្រៀងវិញ
- 2018-06-01 02:35:09
- ចំនួនមតិ 0 | ចំនួនចែករំលែក 0
ឃុំ ប៉ុណ្ណាដែត ពិចារណាវិលចូលអាជីពចម្រៀងវិញ
ចន្លោះមិនឃើញ
ក្រោយផ្អាកជាង១០ឆ្នាំមក លោក ឃុំ ប៉ុណ្ណាដែត កំពុងពិចារណាវិលចូលអាជីពចម្រៀង បើសិនជាទស្សនិកជន នៅតែគាំទ្ររូបលោក។ លោក ឃុំ ប៉ុណ្ណាដែត បន្តថា ការដែលលោកអាចនឹងប្រឡូកក្នុងវីថីចាស់ ក៏ព្រោះការងារជំនួញមួយចំនួន មានអំណោយផល អាចឱ្យលោកមានពេលវេលាគ្រប់គ្រាន់។
លោកទើបតែសម្ពោធស្នាដៃរួមគ្នាជាថ្មី ជាមួយភរិយាគឺរឿង ”ចិញ្ចៀនខ្មោច” កំពុងចាក់បញ្ចាំងតាមរោងភាពយន្ត។ ក្នុងភាពយន្តនេះ លោកបានបញ្ចេញស្នាដៃចម្រៀងរួមគ្នាមួយបទជាមួយភរិយា គឺបទ”ចិញ្ចៀនទឹកភ្នែក”។ អត្តន័យចម្រៀងល្អ ជំរុញព្រមទាំងផ្ដល់ដំបូន្នានជាច្រើនពីសំណាក់អ្នកនៅជុំវិញខ្លួន គឺជាកត្តាមួយអាចឱ្យអតីតតារាចម្រៀង របស់ផលិតកម្ម Spark Music រូបនេះ អាចវិលមកវិថីចម្រៀងនាពេលឆាប់ៗខាងមុខ។
លោក ឃុំ ប៉ុណ្ណាដែត ក៏កំពុងរង់ចាំមើលសន្ទុះ នៃការគាំទ្រភាពយន្តរបស់លោកជាមួយភរិយា ក្នុងរឿង ”ចិញ្ចៀនខ្មោច” នេះផងដែរ ក្រោយពីផ្អាកការសម្ដែងរួមជាង ១០ឆ្នាំមក មុនហក់ចូលវិថីចម្រៀងម្ដងទៀត។ ប្រសិនតារាចម្រៀងរូបនេះពិតជាវិលចូលវិថីចម្រៀងពិតមែន នោះផលិតកម្ម ថោន គឺជាជម្រើសដំបូងរបស់លោក ព្រោះតែភរិយាអ្នកនាង យក់ ឋិតរដ្ឋា កំពុងជ្រកកោននៅទីនោះស្រាប់។
ចាប់តាំងពីដើរចេញពីផលិតកម្ម Spark Music មកលោក ឃុំ ប៉ុណ្ណាដែត មិនដែលមានបទចម្រៀងផ្ទាល់ខ្លួននោះទេ ដោយទុកឱ្យតែភរិយារបស់ខ្លួនជាអ្នកប្រឡូកតែប៉ុណ្ណោះ ខណៈលោកគិតលើរឿងរកស៊ី។ យ៉ាងណាសម្រាប់ឆ្នាំ២០១៨នេះ លោក ហាក់ចង់ដើរលើអាជីពចាស់ឡើងវិញ បើទស្សនិកជនតែផ្ដល់តម្លៃដល់លោកខ្លាំង៕
