- 2018-06-01 09:20:00
- ជីវិតតារា
Camila Cabello ផ្ដាច់ខ្លួនពីបណ្ដាញសង្គមដោយសារតែបញ្ហា១
- 2018-06-01 09:20:00
- ចំនួនមតិ 0 | ចំនួនចែករំលែក 0
Camila Cabello ផ្ដាច់ខ្លួនពីបណ្ដាញសង្គមដោយសារតែបញ្ហា១
ចន្លោះមិនឃើញ
តារាចម្រៀងកំពុងតែល្បីខ្លាំង Camila Cabello បានសម្រេចចិត្តមិនចំណាយពេលប្រើប្រាស់បណ្ដាញសង្គម ដើម្បីកុំឲ្យនាងថប់អារម្មណ៍ខ្លាំងពេក។
តារាវ័យ ២១ឆ្នាំរូបនេះមិនមានកម្មវិធីបណ្ដាញសង្គមផ្សេងៗ ដូចជា Facebook និង Instagram ដើម្បីប្រើប្រាស់លើទូរស័ព្ទនោះទេ ដោយសារតែនាងមានបញ្ហាថប់បារម្ភតាំងពីអតីតកាល និងព្យាយាមជៀសវាង ពីការអានមតិរបស់អ្នកប្រើប្រាស់អ៊ីនធឺណិតធ្វើឲ្យនាងមានអារម្មណ៍មិនល្អ។
ដូច្នេះហើយទើបម្ដាយបង្កើតរបស់នាង ជាអ្នកកាន់កាប់រាល់បណ្ដាញសង្គមនាងជំនួសវិញ ដែលប្រើប្រាស់សម្រាប់ប្រាប់អ្នកគាំទ្រពីអ្វីថ្មីៗ និងព្យាយាមឲ្យមានលក្ខណៈសកម្មលើបណ្ដាញអ៊ីនធឺណិត។
Camila បាននិយាយថា "ខ្ញុំព្យាយាមការពារខ្លួនតាមតែអាចធ្វើទៅបាន។ ខ្ញុំមិនមានកម្មវិធីបណ្ដាញសង្គមអ្វីនៅលើទូរស័ព្ទនោះទេ។ ប៉ុន្តែខ្ញុំមានវានៅទូរស័ព្ទម្ដាយរបស់ខ្ញុំ អីចឹងប្រសិនបើខ្ញុំមានអ្វីចង់និយាយឬត្រូវឆ្លើយតបនូវអ្វីដែលអ្នកគាំទ្រផ្ញើមកខ្ញុំ ខ្ញុំអាចឆ្លើយតបបាន ព្រោះវាជារឿងដ៏ចាំបាច់មួយ។"
នេះដោយសារតែនាងត្រូវអ្នកគាំទ្រក្រុមចម្រៀង Fifth Harmony ជាច្រើនបានរិះគន់នាងដោយសារតែចាកចេញពីក្រុមចម្រៀង ក្រៅពីនេះក៏នៅមានមតិអវិជ្ជមានជាច្រើនទៀតផងដែរ អីចឹងហើយទើបនាងសម្រេចចិត្តផ្ដាច់ខ្លួនតែម្ដង៕
