- 2018-06-05 04:25:20
- ជីវិតតារា
ហេង ស្រីពេជ្រ បញ្ជាក់រឿងលួចទៅរៀបការស្ងាត់ៗ
- 2018-06-05 04:25:20
- ចំនួនមតិ 0 | ចំនួនចែករំលែក 0
ហេង ស្រីពេជ្រ បញ្ជាក់រឿងលួចទៅរៀបការស្ងាត់ៗ
ចន្លោះមិនឃើញ
តារាសម្ដែងដែលត្រូវប៉ាន់តែតួជំទាវ កញ្ញា ហេង ស្រីពេជ្រ បានធ្វើឲ្យអ្នកគាំទ្រនាងក៏ដូចជាមិត្តភ័ក្ដិក្នុងសិល្បៈភ្ញាក់ផ្អើលមិនតិចឡើយ នៅពេលដែលតារាស្រីរូបនេះ បានបញ្ចេញរូបក្នុងឈុតកូនក្រមុំ ដោយមិនមានកូនកំលោះ ។ ការភ្ញាក់ផ្អើលនោះ គឺសង្ស័យថា នាងអាចទៅរៀបការស្ងាត់ៗ ឬគ្រោងនឹងចូលរោងការឆាប់ៗនេះ។
សាមីខ្លួនបានឲ្យដឹងថា ជាការពិតគឺមាន Fans ក៏ដូចជាមិត្តភ័ក្ដិបានឆាតមកសួនាងជាច្រើន ពីការបញ្ចេញរូបខាងលើ ដោយម្នាក់ៗបានដាក់ការសង្ស័យថា នាងគ្រោងរៀបការហើយ។ នាងថា មានពេលខ្លះខ្លួនក៏កុហកលេងថា បានរៀបការរួចហើយ ធ្វើមិត្តភ័ក្ដិមួយចំនួនបន្ទោសនាង ហេតុអ្វីមិនប្រាប់ពួកគេផងថ្ងៃរៀបការនោះ។
តារាសម្ដែងដែលត្រូវប៉ាន់តែតួជំទាវរូបនេះបានបញ្ជាក់ថា រូបក្នុងឈុតកូនក្រមុំនោះ គឺនាងបានថតឲ្យសម្អាងការមួយ មិនមែនជាការរៀបការឡើយ។ នាងថ្លែងថា រៀបការជាមួយអ្នកណា បើបច្ចុប្បន្ននាងមិនទាន់រកឃើញម្ចាស់បេះដូងនៅឡើយផងហ្នឹង។
ហេង ស្រីពេជ្រ បានលើកឡើងថា រឿងគូអនាគតមិនមែននាងមិនគិតនោះឡើយ ប៉ុន្តែធ្វើម៉េចបើមិនទាន់ដល់គូ បើទោះបីជារាល់ថ្ងៃមានអ្នកតាមស្រលាញ់ច្រើន តែហាក់ដូចជាមិនទាន់ត្រូវចិត្តនៅឡើយ។
តារាស្រីមានកំណើតមកពីខេត្តកំពង់ឆ្នាំងរូបនេះបានថ្លែងបន្តថា រាល់ថ្ងៃនាងគិតរឿងគ្រួសារជាងគូអនាគតខ្លួនឯង ថតភាពយន្តស្ទើរគ្មានពេលសម្រាក បានប្រាក់មកគឺដើម្បីសម្រួលជីវភាព ជាពិសេសទិញថ្នាំព្យាបាលឪពុក ដែលបានធ្លាក់ខ្លួនឈឺ កាលជួបគ្រោះថ្នាក់ចរាចរណ៍ជាច្រើនឆ្នាំកន្លងមក។ រឿងគូអនាគត ដល់ពេលណាពេលនោះទៅ មិនបង្ខំឡើយ៕
