តារា៨ដួងធ្លាប់ឈ្លោះគ្នា វិលមកត្រូវគ្នាវិញស្រលាញ់ដូចបងប្អូន

2018-07-03 00:30:00
ជីវិតតារា

2018-07-03 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលរួមការងារជាមួយគ្នា តារាមួយចំនួនបានរងនូវការមិនចុះសម្រុង ដោយសារអន់ចិត្តគ្នាលើបញ្ហាផ្សេងៗ។ ទោះជាឈ្លោះគ្នារហូតមិននិយាយស្ដីរកគ្នាអស់រយៈពេលជាច្រើនឆ្នាំក្តី តារា៨ដួងខាងក្រោមនេះ បានវិលមកបង្កើតសម្ព័ន្ធមិត្តគ្នាវិញ និងកាន់តែស្និតរមួតជាងមុនទៀតផង។

១. ទេព បូព្រឹក្ស និង ពេជ្រ សូលីកា

ទេព បូព្រឹក្ស ធ្លាប់ទម្លាយនៅលើបណ្ដាញសង្គមរបស់ខ្លួនថា ពេជ្រ សូលីកា និងនាង ជាមិត្តរាប់អានគ្នាតាំងនៅរៀនម្ល៉េះ ហើយក៏ធ្លាប់អន់ចិត្តរហូតមិនស្ដីរកគ្នាអស់ពេលជាង៣ឆ្នាំ។ តែមកទល់ពេលនេះ អ្នកទាំងពីរនៅតែជាមិត្តភ័ក្ដិល្អនឹងគ្នាដូចបងប្អូនរួមផ្ទៃតែមួយ រហូតថែមទាំងមានចិញ្ចៀនម៉ូដដូចគ្នាពាក់ ដើម្បីបញ្ជាក់ពីមិត្តភាពថែមទៀតផង។

២. នាយកុយ និងនាយក្រឹម

តារាកំប្លែងទាំងពីរ ដំបូងឡើយស្ថិតក្នុងក្រុមតែមួយ តែក្រោយមកក៏បែកខ្ញែកជា២ក្រុម ដោយសារតែបញ្ហាជម្លោះផ្ទៃក្នុង។ នាយកុយ និង នាយក្រឹម ខឹងមិននិយាយរកគ្នាអស់ពេលជាច្រើនឆ្នាំ។ បន្ទាប់ពីកំហឹងរៀងៗខ្លួនស្ងប់អស់ បច្ចុប្បន្នពួកគេក៏មើលមុខគ្នាវិញធម្មតា តែមិនវិលរកក្រុមតែមួយដូចមុនទេ ។

៣. យុគ ចិន្ដា និង គង់ សុជាតិ

ពិធីការីនីល្បីឈ្មោះទាំងពីរធ្លាប់មានភាពល្អក់កករជាមួយគ្នា រហូតមិននិយាយរកគ្នាថែមទៀតផង ។ តែក្រោយពីពេលវេលាចេះតែដើរទៅមុខ កំហឹងទាំងប៉ុន្មានក៏សាបរលាប ហើយពិធីការីនីវ័យជ្រទាំងពីរ វិលមកចាប់ទំនាក់ទំនងគ្នាឡើងវិញ និងកាន់តែជិតស្និទ្ធលើសមុនទៅទៀត។

៤. សាយ សៀរ៉ា និង នី មុន្នីនាថ

ដំបូងឡើយ អ្នកទាំងពីរជាដៃគូសម្ដែងយ៉ាងស័ក្ដិសម ស្ទើរតែគ្រប់រឿងដែលអ្នកទាំងពីរសម្ដែង ទទួលបានការគាំទ្រពីមហាជន។ ដើមហេតុធ្វើឲ្យអ្នកទាំងពីរមិននិយាយរកគ្នា ដោយសារតារាទឹកភ្នែក កញ្ញា នី មុន្នីនាថ អន់ចិត្ត ព្រោះពាក្យលេងសើចបន្តិចបន្តួចរបស់លោក សាយ សៀរ៉ា ។ បន្ទាប់ពីបានសម្ដែងរឿងរួមគ្នាម្ដងទៀត គឺ "នាងនាថបាត់ដំបង" លោក សាយ សៀរ៉ា ព្យាយាមស្តាចំណងមិត្តភាពឡើងវិញ។ សព្វថ្ងៃ គេសង្កេតឃើញថា ចំណងមិត្តភាពរបស់អ្នកទាំងពីរចាប់ផ្ដើមល្អប្រសើរជាងមុន៕

អត្ថបទ៖ លឹម សុនា