- 2018-06-20 07:43:58
- ព័ត៌មាន
បែកធ្លាយរូបភាពកូនដើមរបស់ កុំកុំ មុខមាត់ដូចលោកបេះបិទ
- 2018-06-20 07:43:58
- ចំនួនមតិ 0 | ចំនួនចែករំលែក 0
បែកធ្លាយរូបភាពកូនដើមរបស់ កុំកុំ មុខមាត់ដូចលោកបេះបិទ
ចន្លោះមិនឃើញ
ចាប់តាំងពីរៀបអាពាហ៍ពិពាហ៍ជាមួយ Cecilia Wang ក្នុងឆ្នាំ២០០៣ មកតារាសម្ដែង Donnie Yen ជាញឹកញាប់តែងតែបង្ហាញក្ដីស្រឡាញ់របស់លោកចំពោះភរិយាក្រោយ រួមនឹងកូនៗ ២នាក់ទៀតរបស់លោកតាមរយៈបណ្ដាញសង្គម។ ទោះជាយ៉ាងណាក៏ដោយ ក្នុងថ្ងៃទិវាឪពុក តារាសម្ដែងរូបនេះ បានធ្វើឲ្យអ្នកគាំទ្រមានការភ្ញាក់ផ្អើល ដោយរូបលោកបានបង្ហោះរូបភាពជាមួយកូនទាំង២ នាក់របស់លោក រួមជាមួយនឹងកូនប្រុសច្បងដែលជាកូនរបស់លោកជាមួយនឹងប្រពន្ធដើម។
ខណៈកូនប្រុសច្បងវ័យ ២៣ ឆ្នាំរបស់លោកដែលមានឈ្មោះ Jeff គឺជាកូនប្រុសតែមួយដែលលោកទទួលបានជាចំណងដៃជាមួយប្រពន្ធដើម Jowan Leung នោះ ប្រាកដណាស់ថា តារាសម្ដែងរូបនេះ កម្របានជួបជាមួយកូនរបស់លោក ដោយសារតែការលែងលះគ្នារបស់លោក។ ពេលដែលលោកមិនដែលមានរូបថតជាមួយកូនប្រុសរូបនេះផងនោះ រូបភាពដែលលោកបានបង្ហោះជុំគ្នាជាមួយកូនទាំង៣នេះ បានបង្កការភ្ញាក់ផ្អើលសម្រាប់អ្នកគាំទ្រជាខ្លាំង។
ជាមួយរូបភាពមួយសន្លឹកនេះដែរ អ្នកគាំទ្របានចាប់អារម្មណ៍ថា កូនប្រុសច្បងរបស់លោកពិតជាមានមុខមាត់ដូចលោកខ្លាំង ទោះបីជាតារាសម្ដែង កុំកុំបានកាត់តដាក់វ៉ែនតាលើមុខរបស់កូនៗទាំង៣របស់លោកក៏ដោយ។
ក្នុងកែវភ្នែកគ្រប់គ្នា តារាសម្ដែង កុំកុំគឺជាប្ដី និងឪពុកដ៏គំរូមួយរូប ប៉ុន្តែមានមនុស្សមួយចំនួនទៀត បាននឹកដល់រឿងលែងលះគ្នាជាមួយប្រពន្ធដើមរបស់លោកនៅដើមឆ្នាំ ១៩៩០។ ក្រោយរៀបការ និងស្វែងយល់ចិត្តគ្នារយៈពេលជិត ១ឆ្នាំ តារាសម្ដែងរូបនេះ និងអតីតភរិយារបស់លោកបានសម្រេចចិត្តលែងលះគ្នា ដោយភាពមិនចុះសម្រុងនឹងគ្នា។ ក្រោយមកនាងក៏បានដឹងថា នាងមានផ្ទៃពោះកូនប្រុសច្បងរូបនេះ ក្រោយពេលលែងលះគ្នារួច។ លោកស្រី Jowan ក៏សម្រេចចិត្តចិញ្ចឹមកូនប្រុសមួយនេះ ក្នុងនាមជាស្ត្រីមេម៉ាយម្នាក់៕
