បុរសជាច្រើនស្ម័គ្រចិត្តស្អំបេះដូង តែ ស្រីអ៊ីត មិនទាន់ឆ្លើយ OK

2018-07-04 03:28:02
ជីវិតតារា

2018-07-04 03:28:02
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែង អ្នកនាង អ៊ីត ប្រាប់ថា មិនទាន់គិតគូលើស្នេហាថ្មីឡើយ បើទោះមិត្តរួមក្រុមកំប្លែងជាមួយគ្នា អ្នកនាងខ្ញង់ បានរកឃើញសុភមង្គលថ្មីជាមួយបុរសម្នាក់ក៏ដោយ។ មានបុរសជាច្រើនស្ម័គ្រចិត្តមកស្អំបេះដូងឲ្យតារាកំប្លែងមេម៉ាយកូនមួយរូបនេះ តែអ្នកនាង អ៊ីត មិនទាន់ខ្វាយខ្វល់លើរឿងនេះទេ ព្រោះចង់ផ្ដោតលើការងារច្រើនជាង។

ប្អូនស្រីនាយក្រូចរូបនេះ និយាយថា ស្នេហាថ្មីមិនទាន់រកឃើញនោះទេ ហើយក៏មិនប្រញាប់ចង់បានភ្លាមៗដែរ ចាំពេលណាពេលនោះចុះ ព្រោះខ្លាចប៉ះចំបុរសមានចិត្តមិនស្មោះ ហើយធ្វើបាបក្រុមគ្រួសារ នាំតែវេទនាផ្លូវចិត្តលើសដើម។ ដូច្នេះ រឿងស្នេហាអាចថា ត្រូវការពេលវេលាបន្តិចសិន ហើយគិតគូលើការងារវិញល្អជាង។

សម្រាប់បុរសដែលតារាពូកែសំដីមិនចេះរីងស្ងួតរូបនេះប្រាថ្នានាពេលអនាគត មិនប្រកាន់លើរូបរាងសង្ហា ឬអត់នោះទេ សំខាន់ចេះយល់ចិត្ត និងស្រលាញ់គ្នាទៅវិញទៅមក គឺគ្រប់គ្រាន់ហើយ។

អ្នកនាង សេន ចិន្តា ហៅ អ៊ីត ធ្លាប់មានស្វាមីជាគ្រូបង្រៀន តែបានលែងលះ ដោយហេតុផលមិនចុះសម្រុងគ្នា ហើយក្រោយលែងលះអ្នកមេម៉ាយរូបស្អាតនេះធ្លាប់រងរឿងអាស្រូវស្នេហាជាមួយតារាម្នាក់ តែសាម៉ីខ្លួនបដិសេធ៕

អត្ថបទ៖ លឹម សុនា