- 2018-06-28 02:03:36
- ព័ត៌មាន
ក្រោយទាក់ទងគ្នា ៩ ខែ ទីបំផុតចំណងស្នេហ៍ Sam Smith និង Brandon Flynn ត្រូវបញ្ចប់
- 2018-06-28 02:03:36
- ចំនួនមតិ 0 | ចំនួនចែករំលែក 0
ក្រោយទាក់ទងគ្នា ៩ ខែ ទីបំផុតចំណងស្នេហ៍ Sam Smith និង Brandon Flynn ត្រូវបញ្ចប់
ចន្លោះមិនឃើញ
តារាចម្រៀង Sam Smith ត្រូវបានឲ្យដឹងថា បានសម្រេចចិត្តចែកផ្លូវគ្នាជាមួយតារាសម្ដែង Brandon Flynn។
តារាចម្រៀងវ័យ ២៦ ឆ្នាំរូបនេះបានទាក់ទងគ្នាជាមួយតារាសម្ដែងក្នុងរឿង "13 Reasons Why” ចាប់តាំងពីខែវិច្ឆិកា ប៉ុន្តែគូស្នេហ៍មួយគូនេះត្រូវបានឲ្យដឹងថាបានចែកផ្លូវគ្នាដើររៀងខ្លួនកាលពីសប្ដាហ៍មុននេះ ក្រោយទាក់ទងគ្នាបាន ៩ខែមកនោះ។
បើតាមប្រភពមួយប្រាប់វិបសាយ The Sun ថា៖ "Sam និង Bradon មានទំនាក់ទំនងស្នេហានឹងគ្នាដូចខ្យល់ព្យុះអ៊ីចឹង។ ពួកគេឆាប់បាក់ចិត្តស្រឡាញ់គ្នា ប៉ុន្តែដោយសារតែពួកគេមានការរវល់នឹងការងាររៀងៗខ្លួន ដូច្នេះហើយបានជាចំណងស្នេហ៍មួយនេះមិនអាចបន្តទៅថ្ងៃមុខទៀតបាន"។
តាមប្រភពដដែលនេះបានបន្ថែមទៀតថា៖ "Sam មានការខូចចិត្តខ្លាំង។ នេះជាចំណងស្នេហ៍ដ៏សំខាន់និងមានន័យបំផុតមួយដែលលោកមិនធ្លាប់មានពីមុនមក។ តែជាសំណាងដែលក្នុងពេលនោះ លោកមានការប្រគំតន្ត្រីទេសចរណ៍មួយនៅសហរដ្ឋអាមេរិក ដែលវាអាចជួយឲ្យលោកបំភ្លេចរឿងរ៉ាវឈឺចាប់បានខ្លះ"៕
