- 2018-07-06 08:00:18
- ព័ត៌មាន
ប្រភព២អះអាងផ្សេងគ្នាជុំវិញ ចាន់ សម័យ ធ្លាក់ខ្លួននៅផ្ទះជួល ដើរស្ទូចត្រីចិញ្ចឹមក្រពះ
- 2018-07-06 08:00:18
- ចំនួនមតិ 0 | ចំនួនចែករំលែក 0
ប្រភព២អះអាងផ្សេងគ្នាជុំវិញ ចាន់ សម័យ ធ្លាក់ខ្លួននៅផ្ទះជួល ដើរស្ទូចត្រីចិញ្ចឹមក្រពះ
ចន្លោះមិនឃើញ
បន្ទាប់ពីសារព័ត៌មានក្នុងស្រុកជាច្រើនបានចេញផ្សាយស្ទើរតែគ្រប់ទំព័រជុំវិញតារាចម្រៀង ចាន់ សម័យ ធ្លាក់ខ្លួនដើរស្ទូចត្រីតាមមាត់ទន្លេរួចមក មានប្រភពពីរផ្សេងគ្នាចេញពីចង្កោមអ្នកសិល្បៈបានអះអាងផ្ទុយស្រឡះពីគ្នាចំពោះរឿងនេះផងដែរ។
បើតាមទំព័រហ្វេសប៊ុកឈ្មោះ Movie Star Research របស់តារាសម្ដែងជើងចាស់ ស៊ិន ឧត្ដមផល្លា ឲ្យដឹងថាកន្លងមកលោក ចាន់ សម័យ ធ្លាប់ទៅចម្រៀង និងសម្ដែងនៅសហរដ្ឋអាមេរិកពិតមែន។ ប៉ុន្តែនៅពេលលោក ត្រឡប់មកប្រទេសកម្ពុជាវិញត្រូវបានចោរលួចកាបូប ហើយប្រាក់ដែលមានទាំងប៉ុន្មានក្នុងកាបូបត្រូវបានបាត់បង់ទាំងអស់គ្មានសល់ទើបធ្វើឲ្យម្ចាស់បទ"មិនស្រឡាញ់អូនមិនបាន" ធ្លាក់ខ្លួនទៅជាបែបនេះ។បច្ចុប្បន្ននេះលោក មិនមានផ្ទះផ្ទាល់ខ្លួនស្នាក់អាស្រ័យទេគឺនៅផ្ទះជួល។
ក្រោយពីចោរលួចកាបូបរួចមក ចាន់ សម័យ ជួបបញ្ហាជាច្រើនដូចជា គ្មានមធ្យោបាយក្នុងការធ្វើដំណើរនៅពេលទៅច្រៀងកម្មវិធីប្រគំតន្ត្រីម្ដងៗលោក តែងតែឲ្យអ្នកសិល្បៈជូនមកជានិច្ចតែមិនឲ្យជូនដល់ផ្ទះទេដល់ត្រឹមពាក់កណ្ដាលផ្លូវក៏សុំចុះព្រោះមិនចង់ឲ្យមិត្តភ័ក្ដិសិល្បៈ ដឹងពីស្ថានភាពលំបាករបស់ខ្លួន។ បន្ថែមពីនេះគ្រប់ពេលទៅច្រៀងកម្មវិធីម្ដងៗលោក តែងតែអង្គុយឆ្ងាយពីមិត្តភ័ក្ដិសិល្បៈធ្លាប់ស្និទ្ធស្នាលជាមួយគ្នាកន្លងមក។
“ក្រៅពីរ៉ាប់រងចិញ្ចឹមកូនទាំង៥នាក់ហើយនោះ ចាន់សម័យ ថែមទាំងឈឺជើងអស់រយៈពេលជាង ១០ឆ្នាំមកហើយ តែហាក់ដូចមិនអើពើដោយសារតែ គាត់មិនមានថវិកាគ្រប់គ្រាន់ដើម្បីព្យាបាល។ ចំណែកឯរូបភាពស្ទូចត្រីនោះគឺជាចំណូលចិត្ត និងទីពីរដើម្បីធ្វើម្ហូបពិតមែន។ ទឹកមុខគាត់សព្វថ្ងៃទោះបីជាមិននិយាយក៏គេគ្រប់គ្នាអាចយល់បាន"។ ទំព័រហ្វេសប៊ុក Movie Star Research បញ្ជាក់។
រីឯតារាកំប្លែងនាយ កុយ វិញដែលមានទំនាក់ទំនងយ៉ាងជិតស្និទ្ធជាមួយ ចាន់ សម័យ ឲ្យដឹងថា មិនមែនជារឿងពិតឡើយចំពោះរឿងលោក ចាន់ សម័យ ធ្លាក់ខ្លួនដល់ថ្នាក់ដើរស្ទូចត្រីនៅតាមមាត់ទន្លេយកមកចិញ្ចឹមជីវិតនោះ ព្រោះលោក និងម្ចាស់បទ"មិនអាចគ្មានអូន" ជួបគ្នាមិនសូវលុះពេលទេ ពិសេសពេលមានកម្មវិធីម្ដងៗ។
ចំពោះរឿង ចាន់ សម័យ ដើរស្ទូចត្រីវិញគឺជាចំណងចំណូលចិត្តរបស់គេ នៅពេលទំនេរពីការងារសិល្បៈ។ ចំណែកឯពណ៌សម្បុរប្រែប្រួលទៅជាខ្មៅស្រអាប់ដោយសារតែតារាចម្រៀងរូបនេះទៅស្ទូចត្រីអង្គុយហាលក្ដៅ។
លោកថា៖" ខ្ញុំសុំបញ្ជាក់មិនមែនជាការពិតទេរឿង ចាន់ សម័យ ធ្លាក់ខ្លួនដល់ថ្នាក់នៅផ្ទះជួលដើរស្ទូចត្រីមកចិញ្ចឹមជីវិតនោះ ព្រោះគាត់ចេញទៅច្រៀងក្រៅប្រទេសម្ដងៗរកលុយបានណាស់ រឿងអ្វីគាត់ទៅធ្លាក់ខ្លួនអ៊ីចឹងនោះ។ បើគាត់ទើបមកពីអាមេរិកបាន ៣ខែនេះ"៕
សារពីហ្វេសប៊ុក Movie Star Research របស់ ស៊ិន ឧត្ដមផល្លាខាងក្រោមនេះ
