មិនធម្មតា! តារាទាំងនេះ ចាយទុនរាប់ម៉ឺនដុល្លារ រកស៊ីលើវិស័យអចលនទ្រព្យ

2018-07-20 05:00:00
ជីវិតតារា

2018-07-20 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈ នេះ របររកស៊ីលើអចលនទ្រព្យ ហាក់ទាក់ទាញចំណាប់អារម្មណ៍ពីអ្នកសិល្បៈយ៉ាងច្រើន ឲ្យបណ្ដាក់ទុនរាប់ម៉ឺនដុល្លារលើរបរនេះ ដូចជា៖

ព្រាប សុវត្ថិ ៖ បានចាប់របរនេះជាមួយស្វាមីតារាកំប្លែង ខ្ញុង ដែលពិតជាប្លែកសម្រាប់អ្នកគាំទ្រ ដោយសារកន្លងមក កំពូលតារាចម្រៀងរូបនេះ និយមបើកហាងអាហារជាដើម។ ចាប់តាំងពីប្រឡូកក្នុងមុខជំនួញចំណាយទុន រាប់ម៉ឺនដុល្លារនេះមក ឃើញថា មានការកាក់កប មិនចាញ់មុខជំនួញ ដែលលោកធ្លាប់បើកកន្លងមកនោះទេ។

ខាត់ សុឃីម ៖ មានការភ្ញាក់ផ្អើលមិនតិចទេ ពេលតារាពហុជំនាញរូបនេះ បានទម្លាយលើបណ្ដាញសង្គមថា មានដីធ្លី និងផ្ទះជួល មិនក្រោម១០កន្លែង ទុកសម្រាប់លក់ និងជួល។ អ្នកម្ដាយកូន២ រូបនេះ បន្តថា ការបង្ហាញនូវចំនួនផ្ទះ រួមទាំងដីលើបណ្ដាញសង្គម មិនមែនជាការអួតអ្វីនោះទេ គ្រាន់តែចង់ឲ្យអាជីវកម្មរបស់ខ្លួនដំណើរការបានរលូន សម្រាប់ការផ្សព្វផ្សាយពីការលក់ ជួល ដីធ្លី និងផ្ទះសម្បែងប៉ុណ្ណោះ។

នៅ ស៊ីនឿន ៖ បន្ទាប់ពីប្រឡូកក្នុងពិភពសិល្បៈច្រើនឆ្នាំ តារាចម្រៀងសំឡេងស្រទន់រូបនេះ បានដើរតាមរៀមច្បងក្នុងទ្រនំរបស់ខ្លួន ដោយចាប់របររកស៊ីពុះដីឡូតិ៍។ បន្ទាប់ត្រលប់ពី សហរដ្ឋអាមេរិក កើបប្រាក់បានសន្ធឹក លោកបានបើកមុខជំនួញថ្មីនេះ ធ្វើឲ្យទស្សនិកជនភ្ញាក់ផ្អើលយ៉ាងខ្លាំង។

រូបភាព៖ FB Nov sineoun

Jimmy ៖ ស្រីស្អាតត្រូវប៉ាន់ខ្លាំងសម្រាប់ការងារជាពីធីការីនី រូបនេះ ក៏បានធ្វើឲ្យមហាជនជាច្រើនស្រលាំងកាំង នូវចំនួនផ្ទះនិង ដីធ្លី តម្លៃរាប់ម៉ឺនដុល្លារ ដែលរូបនាងកំពុងកាន់កាប់ ។ Jimmy និយាយថា ក្នុងឆ្នាំនេះ កញ្ញាទិញផ្ទះបាន ៣ កន្លែងធំៗ មួយនៅទីក្រុង OCIC (ទីក្រុងរណបជ្រោយចង្វារ) មួយទៀតនៅអ៊ីអន២ មួយទៀតនៅជិតអ៊ីអន៣ ។ តម្លៃទិញអចលនទ្រព្យទាំងនេះ សរុបទាំងអស់ប្រមាណជិត ៥០ ម៉ឺនដុល្លារ ដោយមិនទាន់គិតខុនដូមួយនៅកំពង់សោម និងខុនដូមួយនៅម្ដុំផ្លូវ៦០ ម៉ែត្រ ។

មាស សុខសោភា ៖ តារាចម្រៀងក្អោបក្ដាប់បានប្រជាប្រិយ មិនចេះធ្លាក់ចុះរូបនេះ ធ្លាប់បង្ហើបថា ភាពហឺហារ និងស៊ីវីល័យដែលម្ចាស់បទ "មួយពាន់រាត្រី" រូបនេះមាន មិនមែនដោយសារសិល្បៈនោះទេ។ ទាំងអស់នោះ បានមកពីជំនួញលើផ្នែកអចលនទ្រព្យតម្លៃសុរបរាប់សិបម៉ឺនដុល្លារ ដូចជា ផ្ទះ ខុនដូ និង ដីធ្លី ដែលតារាចម្រៀងរូបនេះខំប្រឹងប្រែងជាយូរឆ្នាំមកហើយ គ្រាន់តែមិនសូវបង្ហាញដល់ទស្សនិកជនប៉ុណ្ណោះ។

ពេជ្រ ចរណៃ ៖ តារាសម្ដែងធ្លាប់មានជំងឺស្ទើរគ្រោះថ្នាក់ដល់ជីវិត តែបានគុណបុណ្យ លោក ខៃ ប្រសិទ្ធជួយរ៉ាប់រងព្យាបាលទាំងស្រុង ពេលនេះបានបន្ថែមរបរថ្មីមួយទៀតពីលើលក់ផលិតផលតាមអនឡាញ ដោយងាកមកចូលហ៊ុន ពុះដីឡូតិ៍លក់ ដែលមានទីតាំងនៅខេត្តកណ្ដាល។ មួយរយៈ គេឃើញថា ជីវភាពរបស់តារាពន្លកថ្មីរូបនេះ កាន់តែធូរធារជាងមុន។

រូបភាព៖ FB Pich choronai

VJ DaDa ៖ មិនធ្លាប់បោះជំហានលើរបររកស៊ី ពុះដីឡូតិ័លក់ ពីមុនមកទេ តែលើកទីមួយ វីជេ រូបនេះដាក់ទុនរកស៊ីលើដីរាប់រយហិកតា តែម្ដង។ ការហ៊ានប្រថុយ បោះទុនរាប់សិបម៉ឺនដុល្លារនេះ លើរបរមិនធ្លាប់ប្រឡូកនេះ ដោយសារមានការណែនាំ ចង្អុលបង្ហាញប្រាប់ពីមិត្តភ័ក្ក និងបងធម៍របស់លោក ទើបធ្វើឲ្យលោកមានជំនឿចិត្តដាក់ទុនរកស៊ីលើរបរ លក់ដីឡូតិ៍ បែបនេះ។

រូបភាព៖ FB Vj DaDa

ផន ស្រីខួច ៖ មិនខុសគ្នាប៉ុន្មាន តារាចម្រៀងរូបនេះ សុខចិត្តចំណាយប្រាក់រាប់ម៉ឺនដុល្លារ លើរបរដីធ្លី តែមិនបើកសាឡន លក់សំលៀកបំពាក់ ឬសម្អាងការ នោះទេ។ ម្ចាស់បទ "មុននិងក្រោយ គង់តែបែកគ្នា" ទិញលក់ដី លើរបរនេះយូរឆ្នាំមកហើយ៕