- 2018-07-22 04:38:07
- ព័ត៌មាន
កិត្តិយសណាស់ សូ ស្រណោះ ត្រូវបានអញ្ជើញធ្វើគណៈកម្មការផ្នែកព្យាណូ និងចម្រៀងនៅក្រៅប្រទេស
- 2018-07-22 04:38:07
- ចំនួនមតិ 0 | ចំនួនចែករំលែក 0
កិត្តិយសណាស់ សូ ស្រណោះ ត្រូវបានអញ្ជើញធ្វើគណៈកម្មការផ្នែកព្យាណូ និងចម្រៀងនៅក្រៅប្រទេស
ចន្លោះមិនឃើញ
សាស្ត្រាចារ្យតន្ត្រី និងអនុបណ្ឌិតផ្នែកព្យាណូបញ្ចប់ការសិក្សាពីប្រទេសជប៉ុន លោក សូ ស្រណោះ បានធ្វើដំណើរចេញទៅប្រទេសថៃល្ងាចមិញនេះ ក្នុងនាមជាគណៈកម្មការមួយរូបចាំផ្ដល់ពិន្ទុ និងវិនិច្ឆ័យទៅលើបេក្ខជនប្រឡងចម្រៀង និងព្យាណូ។
ការចេញទៅធ្វើជាគណៈកម្មការនៅក្រៅប្រទេសនេះ មិនមែនជាលើកដំបូងទេ តែវាជាលើកទី៥សម្រាប់នាយកសាលាស្រណោះតន្ត្រីរូបនេះ។ កន្លងមកលោក ធ្លាប់បានទៅចូលរួមនៅបណ្ដាប្រទេសមួយចំនួនមានដូចជា សាំងហ្គាពួរ ចិន ម៉ាឡេស៊ី ថៃ និងចុងក្រោយម្ដងទៀតគឺប្រទេសថៃដដែល។
ចំណុចពិសេសធ្វើឲ្យបណ្ដាប្រទេសដែលបានរៀបរាប់ខាងលើជ្រើសរើស សូ ស្រណោះ ទៅធ្វើជាគណៈកម្មការផ្ដល់ពិន្ទុ និងវិនិច្ឆ័យទៅលើបេក្ខជនប្រឡងចម្រៀង និងព្យាណូ ម្ដងហើយម្ដង ដោយសារតែកំលោះសង្ហារូបនេះ បានបញ្ចប់ការសិក្សាអនុបណ្ឌិតផ្នែកព្យាណូ ពីប្រទេសជប៉ុន។
នាយកសាលាស្រណោះតន្ត្រី ថា៖"ខ្ញុំអត់បានដាក់ពាក្យស្នើសុំធ្វើជាគណៈកម្មការ ទេមូលហេតុដែលគេជ្រើសរើសខ្ញុំ ប្រហែលជាមកពីខ្ញុំមានសញ្ញាប័ត្រអនុបណ្ឌិតផ្នែកព្យាណូហើយមើលទៅ។ ខ្ញុំទៅធ្វើគណៈកម្មការលើកនេះជាការរៀបចំរបស់ប្រទេសថៃ ដែលជាក្រុមហ៊ុនព្យាណូជប៉ុន"។
កម្មវិធីប្រឡងចម្រៀង និងព្យាណូនៅប្រទេសថៃនេះធ្វើឡើងក្នុងទីក្រុងបាងកក រយៈពេល ៣ថ្ងៃចាប់ពីថ្ងៃ ២២ ដល់ ២៤ ដោយមានបេក្ខជនជាជនជាតិថៃច្រើននាក់ចូលរួមប្រឡង។ ក្នុងក្រៅពីកម្ពុជា ក៏មានគណៈកម្មការមកពីបណ្ដាប្រទេសមួយចំនួន ៦ទៀតមានដូចជា ជប៉ុន កូរ៉េ សាំងហ្គាពួរ ម៉ាឡេស៊ី និង ថៃ៕
