- 2018-07-26 04:05:00
- ជីវិតតារា
Demi Lovato ត្រូវគេប្រទះឃើញនៅក្លឹបរាត្រី មុនពេលមានព័ត៌មានប្រើប្រាស់គ្រឿងញៀន
- 2018-07-26 04:05:00
- ចំនួនមតិ 0 | ចំនួនចែករំលែក 0
Demi Lovato ត្រូវគេប្រទះឃើញនៅក្លឹបរាត្រី មុនពេលមានព័ត៌មានប្រើប្រាស់គ្រឿងញៀន
ចន្លោះមិនឃើញ
កាលពីថ្ងៃទី ២៤កន្លងមកនេះពិភពសិល្បៈមានការភ្ញាក់ផ្អើលជាខ្លាំង បន្ទាប់ពីតារាចម្រៀង Demi Lovato បានត្រូវគេបញ្ជូនចូលបន្ទប់សង្គ្រោះបន្ទាន់ ដោយសារតែសង្ស័យប្រើគ្រឿងញៀនហួសកម្រិត។ សារព័ត៌មាន Daily Mail បានបង្ហាញរូបថតខ្លះៗ របស់នាងខណៈពេលធ្វើដំណើរកម្សាន្តទៅកាន់ក្លឹបរាត្រីយប់មុនថ្ងៃកើតហេតុ។
Demi បានចាកចេញពីក្លឹបនៅម៉ោង ២កន្លះទៀបភ្លឺ ដោយដើរទ្រេតទ្រោត និងមានបុរស២នាក់ជួយគ្រានាងចូលរថយន្តត្រលប់ទៅផ្ទះវិញ។
សារព័ត៌មានជាច្រើនបានចុះផ្សាយពីការព្រួយបារម្ភ ពីមិត្តភ័ក្ដិរបស់ Demi ចំពោះសុខភាពរបស់នាង ប៉ុន្មានសប្ដាហ៍មុនរឿងហេតុនេះបានកើតឡើង។ តារារូបនេះគិតថា អាការៈញៀននឹងគ្រឿងស្រវឹងព្រមទាំងការប្រើប្រាស់ថ្នាំញៀនបានត្រលប់មកវិញ។ មួយថ្ងៃទៅមួយថ្ងៃអាការៈនោះ កាន់តែគួរឲ្យបារម្ភ ចំពោះអ្នកនៅជុំវិញនាង។
ទោះជាយ៉ាងណាក៏ដោយ មិត្តភ័ក្ដិខ្លះៗរបស់នាងក៏មានការភ្ញាក់ផ្អើលដែរ ព្រោះកាលពី២សប្ដាហ៍មុន ម្ចាស់បទ "Sober” នេះមានអាការៈល្អធម្មតាសោះ។ បើតាមព័ត៌មានចុងក្រោយរបស់ TMZ បានឲ្យដឹងថា Demi Lovato បានរៀបចំកម្មវិធីជប់លៀងនៅផ្ទះខ្លួន ហើយក៏បានប្រើប្រាស់គ្រឿងញៀន ដែលមិនដឹងច្បាស់ថាប្រភេទអ្វី ប៉ុន្តែសង្ស័យថាជាហេរ៉ូអ៊ីន។
មិនត្រឹមតែប៉ុណ្ណោះបើតាមសារព័ត៌មាន Radar Online បញ្ជាក់ថា តារាវ័យក្មេងរូបនេះបានផ្ដាច់ទំនាក់ទំនងជាមួយគ្រួសារនិងមិត្តភ័ក្ដិទាំងស្រុងមុនថ្ងៃកើតហេតុ៕
