- 2018-08-11 04:40:00
- ព័ត៌មាន
អ្នកដឹកនាំ MV ប្រចាំរបស់ Taylor Swift ថាឲ្យក្រុមចម្រៀង BTS កប់ៗរឿងវះកាត់កែសម្ផស្ស
- 2018-08-11 04:40:00
- ចំនួនមតិ 0 | ចំនួនចែករំលែក 0
អ្នកដឹកនាំ MV ប្រចាំរបស់ Taylor Swift ថាឲ្យក្រុមចម្រៀង BTS កប់ៗរឿងវះកាត់កែសម្ផស្ស
ចន្លោះមិនឃើញ
លោក Joseph Kahn ជាអ្នកដឹកនាំនិងផលិតវីដេអូចម្រៀង សញ្ជាតិអាមេរិកនិងកូរ៉េល្បីឈ្មោះមួយរូប ស្រាប់តែរិះគន់ក្រុមចម្រៀង BTS ថ្មីៗនេះរឿងលាបក្រែមបបូរមាត់និងម្នាក់សុទ្ធតែធ្លាប់ធ្វើការវះកាត់កែសម្ផស្ស។
Joseph គឺជាអ្នកដឹកនាំវីដេអូចម្រៀងឲ្យតារាចម្រៀងល្បីៗលំដាប់កំពូលដូចជា Taylor Swift, Katy Perry, Maroon 5 និង Britney Spears ជាដើម។
ប៉ុន្មានថ្ងៃកន្លងមក អ្នកដឹកនាំរូបនេះស្រាប់តែបង្ហោះសារលើបណ្ដាញសង្គម Twitter ថាឲ្យក្រុមចម្រៀងកូរ៉េល្បីឈ្មោះ BTS ថាពួកគេសុទ្ធតែធ្លាប់ឆ្លងកាត់ផ្លែកាំបិតនិងលាបក្រែមបបូរមាត់។ លោកបន្តថានេះហើយគឺជាស្ថានភាពពពួកអ្នកមាននៅអាស៊ី ដោយប្រុសៗធ្វើខ្លួនដូចជាស្រី។ មិនត្រឹមតែប៉ុណ្ណោះលោកព្រមទាំង Share អត្ថបទព័ត៌មានមួយពាក់ព័ន្ធនឹងការតែងខ្លួនដូចមនុស្សស្រីនិងវះកាត់កែសម្ផស្សរបស់តារាប្រុសៗកូរ៉េឲ្យមានសម្រស់ស្រស់ស្អាតទៀតផង។
មិនយូរប៉ុន្មានអ្នកគាំទ្រ BTS ជាច្រើនក៏បង្ហោះសារវាយបកទៅលើលោកវិញជាហូរហែ។ ក្រោយមកលោក Joseph ក៏បង្ហោះសារឆ្លើយតបថា លោកគ្រាន់តែលេងសើចតែប៉ុណ្ណោះ ហើយលោកស្រលាញ់ពេញចិត្តក្រុមចម្រៀងនេះ ក៏ប៉ុន្តែក៏និយាយឌឺដងដល់អ្នកបង្ហោះសារជេរខ្លួនផងដែរ៕
