- 2018-08-13 03:43:53
- ព័ត៌មាន
ទើបតែដឹងចរិតពិត មិនាតូច ថាជាក្មេងយ៉ាងម៉េចមុនពេលចូលសិល្បៈ
- 2018-08-13 03:43:53
- ចំនួនមតិ 0 | ចំនួនចែករំលែក 0
ទើបតែដឹងចរិតពិត មិនាតូច ថាជាក្មេងយ៉ាងម៉េចមុនពេលចូលសិល្បៈ
ចន្លោះមិនឃើញ
ត្បិតមានឪពុក និងជីតាជាអ្នកសិល្បៈក្ដីតែ ជី ឈិនលីន ហៅ មិនាតូច ចូលប្រឡូកសិល្បៈមុនដំបូងពឹងផ្អែកលើសមត្ថភាព និងទេពកោសល្យខ្លួនឯងពិតៗមិនតាមរយៈខ្សែដូចពាក្យចចាមអារ៉ាមមួយចំនួនដូចការលើកឡើងនោះទេ។
អ្នកស្រី គីម ហ៊ួយ ជាម្ដាយ ជី ឈិនលីន ថា កូនស្រីខ្លួនពិតជាស្រឡាញ់សិល្បៈខ្លាំងណាស់ តាំងពីនៅអាយុ៧ ទៅ ៨ឆ្នាំ តែមិនដឹងថាត្រូវចូលប្រឡូកដោយរបៀបណា។ បើទោះបីជាមានឪពុក និងជីតា ជាអ្នកកំប្លែងល្បីឈ្មោះប្រចាំប្រទេសក៏ដោយ។ ផ្ទុយទៅវិញ មិនាតូច បែរចង់ប្រើប្រាស់សមត្ថភាពខ្លួនឯងដើម្បីសម្រេចក្ដីស្រមៃ មិនចង់ពឹងជីតា ឬ ឪពុកឡើយ។
ប្រសិនបើ ជី ឈិនលីន ពឹងពាក់លោកតា ឬ ឪពុកនោះមិនយូរទេថ្ងៃក្រោយ នឹងមានការនិយាយដៀមដាមថា នាងចូលប្រឡូកសិល្បៈមានកេរ្តិ៍ល្បីល្បាញមកដល់សព្វថ្ងៃតាមរយៈខ្សែ។ម្ដាយ មិនាតូច ថា៖" ថ្ងៃមួយកូនស្រីបង ឈិនលីន គាត់លេងហ្វេសប៊ុកបង្ហោះរូបស្រាប់តែពេលហ្នឹង មានអ្នកដឹកនាំថតស្ប៉តម្នាក់ចាប់អារម្មណ៍ហើយហៅគាត់ទៅធ្វើតេស្ដដើម្បីថត ពេលហ្នឹងកូនបងគាត់ធ្វើបានគេក៏ហៅគាត់ថតបន្តបន្ទាប់"។
កុមារី ជី ឈិនលីន ជាកូនស្រីតារាកំប្លែងនាយ កយ និងត្រូវជាចៅស្រីបង្កើតនាយ កុយ បច្ចុប្បន្ននាងតូចមានអាយុ ១៣ឆ្នាំរៀនថ្នាក់ទី៧ នៅសាលារៀនណតឡាញជាកូនច្បងក្នុងគ្រួសារ ដែលមានបងប្អូន៣នាក់។កន្លងមកធ្លាប់សម្ដែងរឿងមួយចំនួនដូចជារឿង "ក្មេងទី៦" "កញ្ចក់" "ឈាម" "កូនឥតខាន់ស្លា" "ផ្កាថ្ម" និងជាច្រើនរឿងទៀត៕
