- 2018-08-21 02:17:46
- ជីវិតតារា
ពេលនឿយណាយពីការងារសិល្បៈ Park Bo Young បែរជាចង់ប្រកបមួយរបរនេះវិញ
- 2018-08-21 02:17:46
- ចំនួនមតិ 0 | ចំនួនចែករំលែក 0
ពេលនឿយណាយពីការងារសិល្បៈ Park Bo Young បែរជាចង់ប្រកបមួយរបរនេះវិញ
ចន្លោះមិនឃើញ
មួយរយៈចុងក្រោយនេះ តារាសម្ដែង Park Bo Young ហាក់ដូចជាមានការងាររវល់ច្រើន ជាពិសេសការងារថតកុនថ្មីមានចំណងជើងថា "On Your Wedding Day"។ ការងាររវល់បែបនេះ តើនាងមានបំណងសម្រាក ឬដើរចេញពីអាជីពនេះទេ?
មានវត្តមានក្នុងបទសម្ភាសមួយក្នុងកម្មវិធីផ្សព្វផ្សាយរឿងថ្មីខាងលើ កាលពីថ្ងៃទី ២២ ខែសីហា Park Bo Young បាននិយាយថា៖ «ខ្ញុំតែងតែព្យាយាមពង្រឹងសមត្ថភាពសម្ដែងរបស់ខ្ញុំ។ ទោះជាយ៉ាងណា ពេលខ្លះខ្ញុំជួបឧបសគ្គដែរ ហើយដូចជាគ្មានរីកចម្រើនអ្វីសោះ។»
ទោះបីការងារជាអ្នកសិល្បៈជោគជ័យខ្លាំងក៏ពិតមែន ប៉ុន្តែតារាស្រីវ័យ ២៨ឆ្នាំរូបនេះ ក៏មានក្ដីស្រមៃផ្ទាល់ខ្លួនដែរ។ នាងថា៖ «នៅពេលគិតថាសមត្ថភាពសម្ដែងមិនទៅមុខ ខ្ញុំបែរជាចង់ក្លាយជាកសិករទៅវិញ។ ថ្មីៗនេះ ខ្ញុំឧស្សាហ៍ទៅធ្វើចម្ការ នៅជនបទណាស់។ នៅពេលជីតារបស់ខ្ញុំឃើញខ្ញូំពាក់ស្បែកជើង កវែង (ស្បែកជើងសម្រាប់ពាក់ធ្វើចម្ការ) ហើយដើរចុះឡើងពេញនោះ គាត់និយាយថាតំណក់ឈាមកសិករក្នុងគ្រួសារគឺ ខ្ញុំនេះហើយ»។
ឈានចូលដល់ចំណុចនេះ Bo Young ក៏បានបញ្ជាក់ដែរថា វ័យនាងប៉ុណ្ណេះពិតជាក្មេងមែនក្នុងការសម្រេចក្ដីសុបិនក្នុងពិភពសិល្បៈ ដូចនេះនាងក៏នឹងប្រឹងបន្តទៀត មិនឲ្យអ្នកគាំទ្រខកចិត្តទេ។ ម្យ៉ាងតួស្រីក្នុងរឿង "On Your Wedding Day" ម្នាក់នេះ ក៏មិនចង់ឲ្យគ្រប់គ្នាភ័យខ្លាចថានាងនឹងដកខ្លួនពីសិល្បៈឆាប់ដែរ ព្រោះយ៉ាងណាខ្លួនជឿថា នៅមានអ្វីច្រើនទៀតដែលអាចបាន ក្រោយនាងមានអាយុ ៣០ឯណោះ៕
