វណ្ណៈ បូរមី អៀនខ្លាំងប៉ុនណា ពេលប៉ះឈុតថើបមាត់លើកដំបូង?

2018-08-22 07:32:46
ព័ត៌មាន

2018-08-22 07:32:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តភាគ "បេសកកម្មមួយ" កំពុងដាក់បញ្ចាំងលើកញ្ចក់ទូរទស្សន៍ ធ្វើឲ្យមហាជនជក់ចិត្តទស្សនាយ៉ាងខ្លាំង។ ក្នុងរឿងនោះ មានឈុតឆាកមួយតម្រូវឲ្យកញ្ញា វណ្ណៈ បូរមី ត្រូវតួប្រុសដែលសម្ដែងដោយ ម៉ឺន ពិសិដ្ឋ ថើបមាត់ស្ដែងៗតែម្ដង ធ្វើឲ្យបូរមីអៀនខ្លាំងណាស់។

ក្នុងរឿងបែបស៊ើបអង្កេត លាយការវាយប្រហារ កូនកាត់ឡាវសម្រស់ស្អាតរូបនេះ ក៏មានឈុតឆាកបែបស្នេហាដែរ ដោយការថើបនោះ ពិតៗ មិនមានប្រើបច្ចេកទេសកាត់តនោះទេ។ តួអង្គ ម៉ូកា សម្ដែងដោយ កញ្ញា បូរមី ឲ្យដឹងថា ឈុតនេះ នាងមានការខ្មាសអៀនខ្លាំង ព្រោះជាលើកទីមួយតាំងពីចូលសិល្បៈមក ដោយសារខ្សែភាពយន្តកន្លងមក ដែលបូរមីសម្តែង ជារឿងប្រភេទភ័យ ព្រឺព្រួច មិនសូវមានឈុតស្នេហាច្រើននោះទេ។

ចំណែក តួប្រុសវិញ ធ្លាប់ប្រាប់ថា ត្រង់ឈុតស្នេហានេះ លោកមានការលំបាកខ្លះដែរ ព្រោះមិនដែលធ្លាប់ទាល់តែសោះ ម្ល៉ោះហើយ ត្រូវសម្រួលអារម្មណ៍ច្រើន កុំឲ្យឆ្គាំឆ្គង ដើម្បីសម្ដែងមើលទៅដូចធម្មជាតិ។

ចំពោះការសម្ដែងឈុតឆាកស្នេហាបែបនេះ អ្នកទាំងពីរក៏សុំទោសទស្សនិកជន វាគ្រាន់ជាឈុតសម្ដែងក្នុងរឿង បង្ហាញពីអារម្មណ៍ស្រលាញ់ខ្លាំងរបស់តួប្រុសមកលើតួស្រីប៉ុណ្ណោះ។

រឿង "បេសកកម្មមួយ" ដែលដកស្រង់ចេញពីប្រលោមលោកបែបយុវវ័យដ៏ល្បីមួយ និងមានតារាល្បីៗជាច្រើនចូលរួមសម្ដែងកំពុងដាក់បញ្ចាំងលើកញ្ចក់ទូរទស្សន៍ My TV និងមាននៅលើ Soyo៕

អត្ថបទ៖ លឹម សុនា