- 2018-08-27 09:50:00
- ព័ត៌មាន
អស់ទាស់! នីឡា ចាយប្រាក់ខ្លួនឯងទិញរថយន្តថ្មីតម្លៃជាង៣ម៉ឺនដុល្លារ
- 2018-08-27 09:50:00
- ចំនួនមតិ 0 | ចំនួនចែករំលែក 0
អស់ទាស់! នីឡា ចាយប្រាក់ខ្លួនឯងទិញរថយន្តថ្មីតម្លៃជាង៣ម៉ឺនដុល្លារ
ចន្លោះមិនឃើញ
រូបភាពរថយន្តស៊េរីទំនើបនៅលើបណ្ដាញសង្គមរបស់នីឡា ធ្វើឲ្យប្រិយមិត្តភ្ញាក់ផ្អើល ចង់ដឹងថា កូនអ្នកគ្រប់គ្រងកម្មវិធីកម្សាន្តនៅស្ថានីយយ៍ CTN ពិតជាទិញរថយន្តថ្មី ឬយ៉ាងណា។ បើតាមអ្នកម្ដាយរបស់ នីឡា ប្រាប់ថា រថយន្តទំនើបនេះ ពិតជារបស់កូនស្រីខ្លួនពិតប្រាកដមែន ដោយនាងទិញប្រាក់ផ្ទាល់ខ្លួនតែម្ដង គ្មានការជួយជ្រោមជ្រែងពីឪពុកម្ដាយនោះទេ។
រថយន្តនោះម៉ាក Lexus RX330 ឆ្នាំ២០០២ តម្លៃ ៣៣០០ដុល្លារ ដោយទិញបង់រំលោះ។ អ្នកស្រី បន្តថា តាមពិតរថយន្តនេះ នីឡាទិញជិត២ខែហើយ តែនាងគ្រាន់តែមិនចង់បង្ហាញភ្លាមៗ។ ក្ដីស្រមៃរបស់អតីតគូដណ្ដឹងកូនថៅកែល្ខោន ភី សុគន្ធី មិនមែនជារថយន្តម៉ាកLexus RX330 នោះទេ នាងទិញរថយន្តនេះតម្រូវចិត្តម្ដាយប៉ុណ្ណោះ ព្រោះម្ដាយនីឡាស្រលាញ់ម៉ូដែលនេះយូរមកហើយ។ អ្នកស្រីថា កូនធ្លាប់ប្រាប់ម៉ូដែលឡានដែលខ្លួនស្រលាញ់ដែរ តែអ្នកស្រីមិនចាំ។
អ្នកស្រីថា នីឡាប្រឹងធ្វើការសន្សំលុយណាស់ ទោះឈឺក៏នៅតែទៅដែរ ហើយមួយថ្ងៃៗខំប្រឹង Live លក់គ្រឿងសម្អាង ដើម្បីទិញរថយន្តដំបូងសម្រាប់ជិះ ដោយកន្លងមកពេលទៅសម្ដែង ក្រុមគ្រួសារជូនទៅ ឬជិះជាមួយអ្នកស្គាល់គ្នា។ តារាកំប្លែងរូបនេះ ត្រូវបានគេដឹងថា អាចរកប្រាក់បានខ្ទង់ពាន់ដុល្លារ ក្នុងមួយខែៗ ពីការសម្ដែងកំប្លែង ថតសម្អាងការ និងការលក់គ្រឿងសម្អាងរបស់ខ្លួន៕
