- 2018-08-31 05:22:18
- ព័ត៌មាន
ថៃ នរៈសត្យា៖ ១០០% ល្ខោនខោលរបស់ខ្មែរ នឹងចូលជាសម្បត្តិបេតិកភណ្ឌពិភពលោក
- 2018-08-31 05:22:18
- ចំនួនមតិ 0 | ចំនួនចែករំលែក 0
ថៃ នរៈសត្យា៖ ១០០% ល្ខោនខោលរបស់ខ្មែរ នឹងចូលជាសម្បត្តិបេតិកភណ្ឌពិភពលោក
ចន្លោះមិនឃើញ
ឯកឧត្ដម ថៃ នរៈសត្យា មានក្ដីសង្ឃឹមជឿជាក់១០០% ថា ល្ខោនខោលរបស់កម្ពុជា នឹងត្រូវអង្គការ UNESCO ចាត់ចូលជាសម្បត្តិបេតិកភណ្ឌអរូបី នៃមនុស្សជាតិ។
រដ្ឋលេខាធិការនៃក្រសួងវប្បធម៌ និងវិចិត្រសិល្បៈ ដដែលរូបនេះ អះអាងថា មូលហេតុ ដោយសារតែកម្ពុជា មានឯកសារមូលដ្ឋានជាក់លាក់គ្រប់គ្រាន់ ដែលបានបំពេញបានគ្រប់ទម្រង់ នៅពេលស្នើសុំទៅអង្គការ UNESCO ហើយនេះជាសញ្ញាណនៃលទ្ធផលល្អ បញ្ជាក់ថា ល្ខោនមានអាយុកាលចំណាស់នេះជារបស់ខ្មែរ ។ លើសពីនេះ នៅក្នុងឯកសារ ក្រសួងបានបំពេញនូវតឹកតាងទាក់ទងនឹងប្រវត្តិសាស្ត្រ កេរដំណែលទាក់ទងនឹងល្ខោនមួយនេះច្បាស់លាស់ ដែលធ្វើឲ្យកាន់តែមានសង្ឃឹមច្រើន ។
ចំពោះនៅលើបណ្ដាញសង្គម បងប្អូនប្រជាពលរដ្ឋនាំគ្នាចែករំលែក និងដាក់ Hastag ព្រោងព្រាត ដើម្បីឲ្យអង្គការ UNESCO ដឹងថា ល្ខោនខោលជារបស់ខ្មែរ ឯកឧត្តម ថៃ នរៈសត្យា យល់ថា នេះជាទឹកចិត្តគាំទ្ររបស់បងប្អូនខ្មែរទាំងអស់មកលើល្ខោនខោលខ្មែរ។ ម្ល៉ោះហើយ សកម្មភាពរបស់ពលរដ្ឋទាំងអស់ ដោយការធ្វើបែបនេះលើបណ្ដាញសង្គមមិនខុសនោះទេ ព្រោះជាឆ្លុះបញ្ចាំងពីស្មារតីស្នេហាវប្បធម៌ជាតិ។
លោក គ្មានសិទ្ធទប់ទល់ទៅលើការគិត និងការយល់ឃើញនេះដែរ ប៉ុន្តែលោកសង្កេតឃើញថា បុគ្គលមួយចំនួន ក៏បានប្រើសិទ្ធិមួយនេះហួសព្រំដែន ដែលធ្វើឲ្យកាន់តែមានការជ្រួលច្របល់។ យ៉ាងណាក៏ដោយ ការបំពេញបានឯកសារគ្រប់គ្រាន់របស់កម្ពុជា និងលទ្ធផលជាក់ស្តែងពីអង្គការ UNESCO ទើបបញ្ជាក់ផ្លូវការថា ល្ខោនខោលខ្មែរ បានចូលជាសម្បត្តិបេតិកភណ្ឌអរូបីនៃមនុស្សជាតិ។
លោក បន្តថា សម្រាប់ក្រសួងវប្បធម៌ និងវិចិត្រសិល្បៈវិញ ជាស្ថាប័នដែលមិនមើលរំលងនូវចំណុចណាមួយទាក់ទងនឹងសិល្បៈខ្មែរនោះទេ ហើយក្រសួងទៀតសោតប្រឹងប្រែងបំពេញការងារនេះដោយឆន្ទៈ ប៉ុន្តែត្រូវរង់ចាំតាមពេលវេលា និងដំណាក់កាលត្រឹមត្រូវ៕
