- 2018-09-07 02:39:31
- ព័ត៌មាន
BTS នឹងបង្ហាញមុខលើកដំបូងក្នុងកម្មវិធី America's Got Talent សប្ដាហ៍ក្រោយ
- 2018-09-07 02:39:31
- ចំនួនមតិ 0 | ចំនួនចែករំលែក 0
BTS នឹងបង្ហាញមុខលើកដំបូងក្នុងកម្មវិធី America's Got Talent សប្ដាហ៍ក្រោយ
ចន្លោះមិនឃើញ
ចប់ពីការងារមួយ BTS រវល់ស្ទើរគ្មានពេលទំនេរជាមួយការប្រគំតន្ត្រី ហើយមុននេះស្រាប់តែមានព័ត៌មានថាក្រុមនេះនឹងបង្ហាញវត្តមានជាលើកដំបូងក្នុងកម្មវិធីប្រឡងសមត្ថភាពលំដាប់ថ្នាក់ពិភពលោក America's Got Talent ទៀតផង។
ព្រឹកថ្ងៃទី ០៦ ខែកញ្ញា កម្មវិធី "America's Got Talent” បានប្រកាសដំណឹងល្អមួយតាមរយៈគណនី Twitter ដោយឲ្យដឹងថា BTS នឹងបង្ហាញមុខសម្ដែងក្នុងកម្មវិធីនេះ នៅថ្ងៃទី ១២ ខែកញ្ញា។ ប៉ុន្តែយ៉ាងណាដំណឹងដ៏ពិសេសនេះត្រូវបានលេចធ្លាយមុនគេចេញពីមាត់របស់ពិធីការិនីប្រចាំកម្មវិធី Tyra Bank អំឡុងពេលផ្សាយកម្មវិធីកាលពីថ្ងៃទី ០៥ ខែកញ្ញា។
ការសម្ដែងរបស់ក្រុមតារាចម្រៀងកូរ៉េនេះ នឹងប្រព្រឹត្តិទៅក្នុងវគ្គជម្រុះជ្រើសយកបេក្ខជនជើងខ្លាំងនៅពាក់កណ្ដាលផ្ដាច់ព្រ័ត្រសប្ដាហ៍ទី ២ នៃកម្មវិធី America's Got Talent ទៅប្រកួតបន្តនៅវគ្គផ្ដាច់ព្រ័ត្រ៕
