- 2018-09-17 07:07:18
- ជីវិតតារា
លឹម ជាឡាយ បញ្ចេញអារម្មណ៍ពិត ក្រោយថើបគ្នាយ៉ាងផ្អែមល្ហែមជាមួយ គៀត សុវណ្ណាឡាង
- 2018-09-17 07:07:18
- ចំនួនមតិ 0 | ចំនួនចែករំលែក 0
លឹម ជាឡាយ បញ្ចេញអារម្មណ៍ពិត ក្រោយថើបគ្នាយ៉ាងផ្អែមល្ហែមជាមួយ គៀត សុវណ្ណាឡាង
ចន្លោះមិនឃើញ
ក្រោយពីផ្ទុះវីដេអូថើបគ្នាយ៉ាងផ្អែមល្ហែមរវាង លឹម ជាឡាយ និង គៀត សុវណ្ណាឡាង ពាសពេញបណ្ដាញទំនាក់ទំនងសង្គមផ្អើលអស់អ្នកគាំទ្រកាលពីយប់មិញ។ ឥឡូវនេះភាគគេខាងប្រុសបានបញ្ចេញអារម្មណ៍ពិត និងប្រាប់ពីមូលហេតុនៃការថើបគ្នាផងដែរ។
លឹម ជាឡាយ ថាការថើបរវាងខ្លួន និង គៀត សុវណ្ណាឡាង កើតឡើងមិនបានចេញពីអារម្មណ៍ជាលក្ខណៈស្នេហាប្រុសនិងស្រីឡើយ គ្រប់យ៉ាងធ្វើតាមសំណូមពរពីហ្វេនៗតែប៉ុណ្ណោះ ដោយសារតែមួយរយៈចុងក្រោយនេះលោក និងនាងសូវបានជួបគ្នា ។លោកថា៖"ពេលថើបហ្នឹងអត់មានអារម្មណ៍អីផង ព្រោះខ្ញុំនិងគាត់រាប់អានគ្នាដូចបងប្អូនមិត្តភ័ក្ដិសិល្បៈដែលរួមការងារជាមួយគ្នាអត់មានអីលើសហ្នឹងផង"។
តែប្រសិនបើថ្ងៃណាមួយ លឹម ជាឡាយ និង គៀត សុវណ្ណាឡាង ស្រឡាញ់គ្នាពិតប្រាកដមែននោះសាមីខ្លួនទាំងពីរគ្មានអ្វីត្រូវលាក់បាំងនោះទេ នឹងបង្ហាញឲ្យពុកម៉ែបងប្អូនបានដឹងជាសាធារណៈជាក់ជាពុំខាន ព្រោះពេលវេលាទៅថ្ងៃខាងមុខមិនអាចមើលឃើញ។ ថ្ងៃនេះថារាប់អានគ្នាក្នុងនាមជាបងប្អូនសិល្បៈ តែថ្ងៃក្រោយប្ដូរមកមានទំនាក់ទំនងស្នេហាជាមួយគ្នាក៏ថាបាន។ លឹម ជាឡាយ រៀបរាប់។
ដើម្បីបំពេញចិត្តអ្នកគាំទ្រ ក្រោយពីបែកគ្នាអស់មួយរយៈ ថ្មីៗនេះ លឹម ជាឡាយ និង គៀត សុវណ្ណាឡាង បានចាប់ដៃគ្នាថតភាពយន្តខ្នាតធំ១រឿងទៀតត្រៀមដាក់បញ្ចាំងនៅរោងភាពយន្តក្នុងពេលឆាប់ៗនេះ តែសាមីខ្លួនសុំលាក់ចំណងជើងសិនទុកឲ្យហ្វេនៗភ្ញាក់ផ្អើល៕
