Elsa Pataky ច្រានចោលព័ត៌មានថាខ្លួនអន់ចិត្តពេលតួស្រីរឿង "Fifty Shades” សរសើររាងប្ដី

2018-09-25 08:42:00
ព័ត៌មាន

2018-09-25 08:42:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Dakota Johnson បាននិយាយនៅក្នុងកិច្ចសម្ភាសន៍ជាមួយទស្សនាវដ្ដី Vogue ប្រចាំប្រទេសអូស្ត្រាលីថា ការជ្រើសរើសយកតារាសម្ដែង Chris Hemsworth មកសម្ដែងរឿង "Bad Times at the El Royale” គឺជាកំហុសដ៏ធំមួយ ព្រោះធ្វើឲ្យនាងបែកអារម្មណ៍ពេលសំដែងពេលឃើញតារាប្រុសសង្ហារូបនេះដោះអាវ។

តួស្រីក្នុងរឿង "Fifty Shades” រូបនេះនិយាយថា រូបរាងរបស់ Chris ធ្វើឲ្យអ្នកគ្រប់គ្នានៅ Studio ស្រឡាំងកាំង ពេលលោកសម្ដែងឈុតដោះអាវ គ្មានអ្នកណាអាចផ្ដោតអារម្មណ៍បាននោះទេ។ ស្រាប់តែថ្មីៗនេះ មានសារព័ត៌មានមួយចុះផ្សាយថា នាងមិនពេញចិត្តទេពេល តារាសម្ដែង Dakota Johnson និយាយសរសើររាងប្ដីខ្លួនដូច្នេះ ដោយព្រមទាំងព្រមាននាងទៀតផង។ នៅក្នុងអត្ថបទនោះគេបានសរសេរដូច្នេះថា "Elsa ពិតជាអន់ចិត្តខ្លាំង និងចង់ឲ្យ Dakota ដឹងថានាងមិនគួរប៉ះពាល់ប្ដីខ្លួនទេ។ ទោះបីជា Chris ជាបុរសសង្ហាខ្លាំងក៏ពិតមែន ប៉ុន្តែលោកមានភរិយានិងកូនរួចទៅហើយ។"

ជុំវិញបញ្ហានេះ Elsa Pataky បានច្រានចោលទាំងស្រុងចំពោះព័ត៌មានដែលថានិងមិនពេញចិត្ត ព្រោះស្វាមីនាងជាតារាល្បីមួយរួបនិងតែងតែថតជាមួយតារាសម្ដែងស្រីៗជាហូរហែរយៈពេលកន្លងមកនេះ។ បើតាមការរាយការណ៍ពីសារព័ត៌មាន Gossip Cop បញ្ជាក់ថា Elsa ក៏ជាតារាសម្ដែងម្នាក់ ដូច្នេះនាងមានការយោគយល់ពីអាជីពរបស់ស្វាមី ហើយម្យ៉ាង Dakota កំពុងតែទាក់ទងជាមួយតារាចម្រៀង Chris Martin តារាចម្រៀងប្រចាំក្រុម Coldplay។

គូស្នេហ៍មួយគូនេះនៅតែស្និទ្ធស្នាលនឹងគ្នាខ្លាំង ជាធម្មតាដោយ Elsa និង Chris តែងតែបង្ហាញរូបថត អ្នកទាំងពីរចំណាយពេលជាមួយគ្នាលើបណ្ដាញសង្គម Instagram៕