«កូនទី៦» ស្នាដៃនិពន្ធថ្មីចុងក្រោយមួយទៀតរបស់តារាចម្រៀង ម៉ានិត បន្ទាប់ពីប្រលោមលោករឿង «ផ្ទះកណ្តាលបឹង»។ រឿងនេះ ម៉ានិតបង្កើតបរិយាកាសឱ្យអ្នកដែលបានអានរឿង ពិសេសអ្នកដឹកនាំរឿងវ័យក្មេង រិទ្ធី លំអរពេជ្រ កញ្ញា មាន សូនីតា និងប្រិយមិត្តគាំទ្រ ចង់ឱ្យយកទៅផលិតជាខ្សែភាពយន្តខ្នាតធំថែមទៀត។

និយាយលាយសំឡេងសើច កញ្ញា សំឡេងពិឃាត ជាឈ្មោះថ្មី ម៉ានិត ដាក់ឱ្យកញ្ញា មាន សូនីតា បានទទូចឱ្យ​ម៉ានិត យករឿង «កូនទី ៦» ផលិតជាភាពយន្តបន្ថែមទៀត ហើយសូមឱ្យ មាន សូនីតា ខ្លួនឯងជាតួឯកក្នុងរឿងនេះ។ ដោយបានយល់សាច់រឿងដ៏ពិសេស មានអត្ថន័យនិងខ្លឹមផ្សាអប់រំកម្សាន្ត អច្ឆរិយៈ តាមរយៈការអាន និងបានចូលរួមសម្ដែង​ក្នុងការថតគ្របសៀវភៅ ទើបកញ្ញា មាន សូនីតា ទទូចឱ្យរឿងនេះផលិតជាភាពយន្ត។

បើតាមការអានសង្ខេប និងការបកស្រាយរបស់​ ម៉ានិត ម្ចាស់ស្នាដៃ រឿង «កូនទី៦» នេះ ពន្យល់ឱ្យដឹងថា រឿងនេះមានសាច់រឿងប្លែក ដោយកូននីមួយៗ មានឈ្មោះជាផ្កា តែមានត្រកូលផ្សេងៗគ្នា រីឯកូន​ស្រីម្នាក់ៗ ក្នុងគ្រួសារដ៏អាថ៌កំបាំងនេះ សុទ្ធតែមានសាច់រឿងដាច់ដោយឡែកពីគ្នា។ យ៉ាងណាមិញ «កូនទី ៦» ដែលជាតួក្នុងគ្របសៀវភៅ​មាន សូនីតា នោះមានកាដូពិសេស ព្រោះនាងមានកម្លាំងញាណ ដែលអាចដឹងរឿងមុន ដែលគេហៅថា ញាណទី ៦។

ចង់ដឹងថាសាច់រឿង សង្ខេបដែល ម៉ានិត បានអាន មានលក្ខណៈបែបណា តោះទស្សនាវីដេអូខាងក្រោម៖