- 2018-10-02 03:43:00
- ព័ត៌មាន
Michael Jackson នៅមានបំណងប្រាថ្នា១ មិនទាន់សម្រេចមុនស្លាប់
- 2018-10-02 03:43:00
- ចំនួនមតិ 0 | ចំនួនចែករំលែក 0
Michael Jackson នៅមានបំណងប្រាថ្នា១ មិនទាន់សម្រេចមុនស្លាប់
ចន្លោះមិនឃើញ
ទោះបីជាស្លាប់ទៅអស់រយៈពេលជាច្រើនឆ្នាំទៅហើយក្ដី កំពូលតារាចម្រៀងប៉ុប Michael Jackson នៅមានអាថ៌កំបាំងនិងរឿងរ៉ាវពាក់ព័ន្ធច្រើនណាស់ជាមួយវិស័យសិល្បៈដែលយើងមិនធ្លាប់ដឹងពីមុនមក។ បើយោងទៅតាមលោក Michael Obitz ដែលជាជនមានឥទ្ធិពលក្នុងវិស័យសិល្បៈមួយរូប បានឲ្យដឹងថា ស្ដេចចម្រៀងប៉ុប ធ្លាប់ដាក់សំណើឲ្យផលិតករល្បីៗនៅហូលីវូដជ្រើសរើសយកខ្លួន មកសម្ដែងជាតួអង្គ 007 នៅតាំងពីអំឡុងទសវត្សទី៨០ មកម្ល៉េះ។
នៅក្នុងកំណត់ហេតុផ្ទាល់ខ្លួនរបស់លោក Michael Obitz បានបង្ហាញថា ម្ចាស់បទ Thriller បានបង្ហាញចំណាប់អារម្មណ៍ក្នុងការសម្ដែងនេះ នៅក្នុងការប្រជុំមួយនៅផ្ទះលោក។ បន្ទាប់ពីបានឮសំណើនេះភ្លាម លោកនិងដៃគូជំនួញរបស់លោក Ron Meyer ព្យាយាមទប់សំណើច ព្រោះ Michael Jackson ពិតជាមិនសាកសមនឹងតួអង្គនេះទាល់តែសោះ។
មិនត្រឹមតែប៉ុណ្ណោះ Michael Jackson ក៏បានប្រាប់ផលិតករ Michael ម្ដងទៀតថា ខ្លួនពិតជាសម្ដែងតួអង្គនេះពិតមែន ប៉ុន្តែក៏បានចម្លើយឆ្លើយតបវិញថា តារាចម្រៀងរូបនេះស្គមពេកនិងមិនមានរូបរាងសាកសមឲ្យដើរតួជាតួអង្គ 007 នោះទេ៕
