- 2018-10-25 04:56:59
- ព័ត៌មាន
ឆាប់ៗនេះ តន្ត្រីករអាជីពអង់គ្លេសនឹងចូលរួមក្នុងព្រឹត្តិការណ៍តន្ត្រីដ៏ពិសេស ២នៅកម្ពុជា
- 2018-10-25 04:56:59
- ចំនួនមតិ 0 | ចំនួនចែករំលែក 0
ឆាប់ៗនេះ តន្ត្រីករអាជីពអង់គ្លេសនឹងចូលរួមក្នុងព្រឹត្តិការណ៍តន្ត្រីដ៏ពិសេស ២នៅកម្ពុជា
ចន្លោះមិនឃើញ
កម្មវិធីផ្តល់ការណែនាំតន្ត្រីបានចាប់ផ្តើមហើយ អញ្ជើញសុទ្ធតែតន្ត្រីករអាជីពពីអង់គ្លេស The Sound Initiative (TSI) ដែលជាគម្រោងបណ្ដុះបណ្តាលសិល្បៈតន្ត្រីស្តង់ដារអន្តរជាតិមួយនៅកម្ពុជា បានប្រមូលផ្តុំអ្នកមានទេពកោសល្យខាងផ្នែកនេះជាច្រើនឲ្យចូលរួមថ្នាក់បណ្ដុះបណ្តាលមូលដ្ឋានកាលពីប៉ុន្មានខែកន្លងទៅ។
ជាផ្នែកមួយនៃកម្មវិធីបង្រៀនណែនាំថ្មីក្នុងខែតុលានេះ នៃ គម្រោង The Sound Initiative តន្ត្រីករ ផលិតករ និងសិល្បករដែលមានមូលដ្ឋាននៅអង់គ្លេស ត្រូវអញ្ជើញចូលរួមថ្នាក់បង្រៀនណែនាំថ្មីមួយដើម្បីគាំទ្រដល់តន្ត្រីករខ្មែរវ័យក្មេងជំនាន់ថ្មីដែលចង់ស្វែងយល់ស៊ីជម្រៅពីវិស័យតន្ត្រីដែលមានទាំងការតែងនិពន្ធ និងផលិតចំរៀងផង។ គោលបំណងចម្បងនៃថ្នាក់បង្រៀនណែនាំនេះ គឺ ដើម្បីផ្តល់នូវការបង្ហាត់បង្ហាញដល់យុវជន និងការអភិវឌ្ឍន៍ទេពកោសល្យសិល្បៈ របស់ពួកគេ ដើម្បីបង្កើនការងារថ្មី ប្រកបដោយភាពច្នៃប្រឌិតខ្ពស់។
ដោយមានការគាំទ្រពីស្ថានទូតអង់គ្លេសប្រចាំកម្ពុជា នេះជាផ្នែកមួយនៃការជំរុញបង្កើត TVET ដែលជាការបណ្ដុះបណ្តាលបច្ចេកទេស និងវិជ្ជាជីវៈនៅកម្ពុជាផងដែរ។ វាគ្មិនដែលមកធ្វើការបង្រៀនណែនាំ នឹងធ្វើការបណ្ដុះបណ្តាលបច្ចេកទេសផ្នែកតន្ត្រីមួយទល់នឹងមួយ រយៈពេល ១០ថ្ងៃ សម្រាប់តន្ត្រីករកម្ពុជាក្នុងកម្មវិធីវិជ្ជាជីវៈរបស់ TSI។
លោក Simon Glenister វិស្វករតន្ត្រី និងជាផលិតករផ្នែកសំឡេងក៏ដូចជាគ្រូ និងអ្នកចំរៀង បានឲ្យដឹងថា៖ "ខ្ញុំរំភើបខ្លាំងណាស់ដែលបានមកធ្វើការនៅក្នុងបរិយាកាសមួយដ៏ថ្មី ចាប់យកបទពិសោធន៍ថ្មីៗជាច្រើនដែលអាចកើតមានឡើង។ ខ្ញុំរីករាយ ដើម្បីស្តាប់នូវស្នាដៃថ្មីៗ ដែលយុវវ័យខ្មែរកំពុងផលិត ហើយសង្ឃឹមថាយើងទាំងអស់គ្នា អាចបង្កើតអ្វីមួយ រួមគ្នាសម្រាប់អ្នកចូលរួមរៀងៗខ្លួន អ្នកគាំទ្ររបស់ពួកគាត់ ក៏ដូចជាអង្គការ TSI»។
«តាមរយៈការភ្ជាប់ទំនាក់ទំនងជាមួយមនុស្សដែលមានប្រវត្តិ និងជំនាញខុសគ្នា កម្មវិធីនេះក៏ជាឱកាសក្នុងការផ្លាស់ ប្តូរវប្បធម៌ និងពង្រឹងបណ្ដាញទំនាក់ទំនង រវាងសហគមន៍តន្ត្រីអង់គ្លេស និងសហគមន៍តន្ត្រីខ្មែរផងដែរ»។ លោកបន្ថែម។
វាគ្មិនរបស់ យើង នឹងផ្តល់ជូននូវថ្នាក់បង្ហាញអំពីតន្ត្រីជាសាធារណៈលើប្រធានបទឯកទេស និងការសម្តែងរួមគ្នាចុងក្រោយដើម្បីបង្ហាញពីតន្ត្រីដែលបានបង្កើតឡើងក្នុងអំឡុងពេលនៃដំណើរទស្សនកិច្ចនេះ។ សិល្បករតំណាង TSI ក្រុងស្រុក កញ្ញាឡូរ៉ាម៉ម និងក្រុមក្មេងខ្មែរនឹង មានវត្តមានក្នុងឱកាសនោះផងដែរ។
សង្ខេបកម្មវិធី ដូចខាងក្រោម៖
ថ្ងៃទី ២៧ តុលា ២០១៨ ចំថ្ងៃ “រំលឹកថ្ងៃណែនាំជាតិអង់គ្លេស” នៅ Raintree ចាប់ពីម៉ោង ៩កន្លះព្រឹក ដល់ ៥ល្ងាច ។ ព្រឹត្តិការណ៍ពិសេសនេះសូមអញ្ជើញអ្នកដែលមានចំណូលខាងតន្ត្រី ទាំងអស់ចូលរួមដោយសេរី ដោយនឹងមានការនិយាយជាភាសាខ្មែរ និងអង់គ្លេសផងដែរ។
នៅថ្ងៃទី ៣ វិច្ឆិកា ២០១៨ នៅ The Mansion (ផ្ទះលេខ៣៨ មហាវិថីសម្តេចសុធារសរស ជាប់ការិយាល័យអង្គការយូណេស្កូនៅទល់មុខសារមន្ទីរជាតិ) ចាប់ពីម៉ោង ៥:៣០ នាទីរសៀល ដល់ម៉ោង ៩យប់៕
