- 2018-10-30 07:24:51
- ព័ត៌មាន
Cardi B ក្ដៅស្លឹកត្រចៀក គំរាមចាត់ការ Nicki តាមផ្លូវច្បាប់វិញ
- 2018-10-30 07:24:51
- ចំនួនមតិ 0 | ចំនួនចែករំលែក 0
Cardi B ក្ដៅស្លឹកត្រចៀក គំរាមចាត់ការ Nicki តាមផ្លូវច្បាប់វិញ
ចន្លោះមិនឃើញ
រឿងរ៉ាវជម្លោះដ៏ក្ដៅគគុករវាងតារាចម្រៀង Cardi B និង Nicki Minaj នៅមិនទាន់ចប់នៅឡើយទេ ដោយឥឡូវនេះ Cardi ត្រៀមខ្លួនវាយបកទៅកាន់ Nicki Minaj និងចាត់ការនាងតាមផ្លូវច្បាប់វិញ។
កាលពីថ្ងៃច័ន្ទកន្លងទៅនេះ តារាចម្រៀង Cardi B មានការខឹងសម្បារជាខ្លាំង ដោយបានបញ្ចេញវីដេអូមួយវាយប្រហារ Nicki Minaj យ៉ាងធ្ងន់ៗ ពាក់ព័ន្ធរឿងជម្លោះរបស់នាង ក្រោយ Nicki ចូលរួមកម្មវិធី Queen Radio បកស្រាយសព្វបែបយ៉ាងពីជម្លោះក្នុងកម្មវិធី NYFW នោះ។
ក្នុងវីដេអូរបស់ Cardi B ដែលបានថតនោះដែរ បង្ហាញឲ្យឃើញថា Cardi បានហៅ Nicki ថាជាមនុស្សក្រឡេចក្រឡុច ដែលអះអាងថា Rah Ali ជាអ្នកដែលវាយ Cardi ឲ្យពកក្បាល អំឡុងពេលមានជម្លោះកាលពីខែមុននោះ។ ក្នុងកម្មវិធី Queen Radioនោះដែរ Nicki បានបកស្រាយបន្ថែមទៀតថា នាងពិតជាហត់នឹងជម្លោះបកចុះបកឡើងនេះណាស់ ដូច្នេះពួកគេ គួរតែបញ្ចប់ជម្លោះនេះទៅ។
បន្ថែមពីនេះទៀត តារាចម្រៀង Nicki Minaj បាននិយាយថា អ្វីៗដែលនាងនិយាយសុទ្ធតែជាការពិត នាងបានឃើញ Rah Ali វាយ Cardi ខ្លាំងៗ កាមេរ៉ាសុវត្ថិភាពអាចបញ្ជាក់បាន ដូច្នេះហើយ នាងបានប្រកាសជូនប្រាក់ចំនួន ១០ ម៉ឺនដុល្លារចំពោះជនណាដែលបង្ហាញសកម្មភាពក្នុងកាមេរ៉ាសុវត្ថិភាពនៅពេលនោះមកបញ្ជាក់ការពិត ហើយនាងអាចនឹងប្ដឹង Cardi B ទៅកាន់តុលាការបាន។
ភ្លាមៗ Cardi B មានការខឹងសម្បារជាខ្លាំង និងវាយបកទៅវិញភ្លាម ហើយនិយាយថា នាងអាចប្ដឹង Nicki វិញបានពីបទបរិហារកេរ្តិ៍៕
ទស្សនាវីដេអូខាងក្រោម៖
