Maream ពីអតីតបេក្ខភាព Cambodia Got Talent ក្លាយជាតារា YouTube ស្រីដំបូងនៅកម្ពុជា

2018-11-05 05:00:00
ព័ត៌មាន

2018-11-05 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Maream Brown មានឈ្មោះពិតថា អាដាំ ម៉ារៀម ជាកូនកាត់ខ្មែរហ្គាណា បានចាប់ផ្ដើមតាំងពីបេក្ខភាពចូលរួមកម្មវិធី Cambodia Got Talent រហូតបានក្លាយជាតារា YouTube នារីដំបូងបង្អស់នៅកម្ពុជាដែលមានអ្នកចុច Subscribe ដល់ទៅជាង ២ម៉ឺននាក់។

Maream តែងខ្លួនធ្វើជា Nicki Minaj

ក្នុងឱកាសជួបជជែកគ្នាជាមួយ Sabay ម៉ារៀម បានបញ្ជាក់ថានាងបានចូលរួមកម្មវិធី Cambodia Got Talent កាលពីរដូវកាលពី១ ខណៈនោះនាងទើបតែមានអាយុ១៨ឆ្នាំ។ បន្ទាប់ពីចូលរួមកម្មវិធីនេះ ម៉ារៀម ក៏បែកគំនិតធ្វើជាវីដេអូផ្សេងៗនៅលើបណ្ដាញសង្គម YouTube ដោយបង្ហាញពីសកម្មភាពប្រចាំថ្ងៃរបស់នាង ដោយមិនខុសពីតារា YouTube អន្តរជាតិប៉ុន្មានទេ។

ជុំវិញការធ្វើជាតារា YouTube តារារូបនេះចង់ឲ្យ នារីៗចូលរួមប្រឡូកក្នុងវិស័យនេះ ព្រោះបច្ចុប្បន្នតារា YouTube នៅកម្ពុជាភាគច្រើនសុទ្ធតែជាបុរសៗ។ មិនត្រឹមតែប៉ុណ្ណោះក្នុងការធ្វើវីដេអូនេះ ក៏ត្រូវជួបប្រទះនឹងរឿងរ៉ាវអវិជ្ជមានខ្លះៗដែរ ដូច្នេះហើយទើប ម៉ារៀម ណែនាំថាបើសិនជាចង់ប្រឡូកក្នុង ការផលិតវីដេអូបែបនេះត្រូវតែចិត្តធ្ងន់បន្តិច និងស្វែងរកនូវការជំរុញទឹកចិត្តពីសំណាក់អ្នកគាំទ្រ។

ក្នុងនាមជា Influencer មួយរូប ម៉ារៀម ក៏ព្យាយាមបង្ហាញពីបទពិសោធន៍ផ្សេងៗ ក៏ដូចជាបង្ហាញពីសកម្មភាពកំប្លែងៗ និងវិជ្ជមានដើម្បីឲ្យអ្នកទស្សនាវីដេអូរបស់នាងមានអារម្មណ៍ស្រស់ស្រាយ។ ប៉ុន្តែចំណុចសំខាន់បំផុតដែល តារាសម្បុរស្រអែមរូបនេះបានផ្ដែផ្ដាំថា ត្រូវតែស្រលាញ់ខ្លួនឯង មិនថាជាពណ៌សម្បុរខ្មៅឬសក៏ដោយ ព្រោះមនុស្សគ្រប់គ្នាសុទ្ធតែស្រស់ស្អាតតាមបែបរៀងៗខ្លួន។

បើចង់ដឹងច្បាស់ទស្សនាវីដេអូខាងក្រោម៖

អត្ថបទ៖ ធារ៉ូ