ប្រុសស្អាត Mister Universal Ambassador 2018 ត្រៀមយកល្ខោនខោល បង្ហាញលើឆាកអន្តរជាតិ

2018-11-07 06:46:00
ព័ត៌មាន

2018-11-07 06:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួត Mister Universal Ambassador 2018 ខាងមុខនេះ ប្រុសស្អាត ជា ឃាងឆែ បេក្ខភាពតំណាងកម្ពុជា ប្រាប់ថា លោកនឹងត្រៀមបញ្ចេញទេពកោសល្យ ដោយលើកយកការសម្ដែងទម្រង់ល្ខោនខោល សម្រាប់ប្រកួតប្រជែងជាមួយបណ្ដាលប្រទេសជាច្រើន។

យុវជនកម្ពស់ ១៨៣ សង់ទីម៉ែត្រ រូបនេះ បានហាត់រៀនសិល្បៈបុរាណយ៉ាងយកចិត្តទុកដាក់ និងសង្ឃឹមកម្ពុជា អាចដណ្ដើមបានតំណែងសម្រាប់ការប្រកួតលក្ខណៈអន្តរជាតិ ដែលធ្វើឡើងនៅប្រទេសឥណ្ឌា ចាប់ពីថ្ងៃ១៨ ខែ វិច្ឆិកា ដល់ថ្ងៃ២៥ ក្រោយកម្ពុជាខកខានចូលរួមតាំងពីឆ្នាំ២០១៥ មក។

ជុំវិញការប្រកួតនេះ ប្រុសស្អាតមានឈ្មោះហៅក្រៅ Joey បង្ហើបថា លោកមានការជំរុញទឹកចិត្តពីឪពុកធម៌ ក្រោយបានជាប់ជយលាភីលេខ១ ពីការប្រលង Freshy Boy ឆ្នាំ ២០១៣។ ពេលបង្ហាញខ្លួនដំបូង ប្រិយមិត្តជាច្រើនគិតថា លោកមិនមែនជាខ្មែរនោះទេ ព្រោះមុខមាត់លោកដូចកូរ៉េខ្លាំងពេក។ មែនទែនទៅ លោកជាកូនកាត់ចិន ដោយជីដូនជីតា និងម្តាយឪពុក ជាជនជាតិចិនតែម្ដង ហើយលោកបានកើតនិងធំធាត់ក្នុងទីក្រុងភ្នំពេញ។

ឃាងឆែ អាចនិយាយបាន៣ ភាសាស្ទាត់ជំនាញ គឺខ្មែរ អង់គ្លេស និងចិន ហើយការប្រាស្រ័យទាក់ទងគ្នាជាមួយសមាជិកគ្រួសារក្នុងផ្ទះ លោកតែងនិយាយភាសាចិន ជាប្រចាំ ។

ក្រៅពីនេះ កូនពៅក្នុងចំណោមបងប្អូន២នាក់ បានបញ្ចប់ថ្នាក់បរិញ្ញាបត្រនៅសាកលវិទ្យាល័យលីមកុកវីង ជំនាញស្ថាបត្យកម្ម។ លោកជាមនុស្សម្នាក់ ដែលចូលចិត្តគូររូប និងឌីហ្សាញជាមួយគំនិតថ្មីៗ។ ដោយសារតែរូបរាងខ្ពស់សង្ហា លោកត្រូវបានគេចាប់អារម្មណ៍លើការថតម៉ូដម៉ូដែល រីឯការប្រឡូកសិល្បៈដូចជាការសម្ដែងភាពយន្ត ឬ ថតចម្រៀង នាពេលអនាគត លោកមិនទាន់ដឹងច្បាស់នៅឡើយទេ៕

អត្ថបទ៖ លឹម សុនា