- 2018-11-12 08:31:09
- ព័ត៌មាន
ថវិកាប្រមូលបានពីការប្រគំតន្រ្តីដ៏ធំមួយបានទៅដល់ដៃមន្ទីរពេទ្យកុមារចំនួន២
- 2018-11-12 08:31:09
- ចំនួនមតិ 0 | ចំនួនចែករំលែក 0
ថវិកាប្រមូលបានពីការប្រគំតន្រ្តីដ៏ធំមួយបានទៅដល់ដៃមន្ទីរពេទ្យកុមារចំនួន២
ចន្លោះមិនឃើញ
ថវិកាដែលបានមកពីលក់សំបុត្រចូលទស្សនាការប្រគំតន្រ្តីសប្បុរសធម៌ តូយ៉ូតា ក្លាស៊ិក លើកទី២៩ នៅសាលសន្និសីទចតុមុខ បូករួមទាំងមូលនិធិផ្សេងៗ និងថវិការបស់ក្រុមហ៊ុនតូយ៉ូតា សរុបទាំងអស់ចំនួន ៤៨ ៧០០ដុល្លារ បានប្រគល់ជូនដល់មន្ទីរពេទ្យកុមារចំនួន២។
ក្នុងនោះមន្ទីរពេទ្យគន្ធបុប្ផាទទួលបានថវិកាចំនួន ២៤ ៣៥០ ដុល្លារ និង ២៤ ៣៥០ ដុល្លារទៀត ប្រគល់ជូនមន្ទីរពេទ្យកុមារអង្គរ ខេត្តសៀមរាបដើម្បីជួយសម្រួលដល់ដំណើរការរបស់មន្ទីរពេទ្យ ក្នុងការបន្តការព្យាបាលដោយឥតគិតថ្លៃជូនដល់កុមារកម្ពុជា។ ពិធីប្រគល់នេះឡើងឡើងនៅថ្ងៃតែមួយព្រមគ្នា គឺថ្ងៃទី៩ ខែវិច្ឆិកា ឆ្នាំ២០១៨ ។
ការប្រគំតន្រ្តីសប្បុរសធម៌ តូយ៉ូតា ក្លាស៊ិក លើកទី២៩ នៅសាលសន្និសីទចតុមុខ កាលពីថ្ងៃទី ៣ ខែវិច្ឆិកា ឆ្នាំ២០១៨ កន្លងទៅ មានការយាងចូលរួមក្រោមព្រះរាជាធិបតីភាពដ៏ខ្ពង់ខ្ពស់របស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងមានការចូលរួមសម្តែងពីក្រុមតន្រ្តីដ៏ល្បីល្បាញមកពីទីក្រុងឡុងដ៏ ចក្រភពអង់គ្លេស Ochestra of the Age of Enlightenment អមនឹងការសម្តែងចាប៉ីដងវែងពីក្រុមតន្រ្តីបុរាណ និងតារាចម្រៀង ចម្រើន សុភ័ក្រ៕
