ពេលនេះ នាយក្ដឹប កំពុងស្ថិតក្នុងបន្ទប់សង្គ្រោះបន្ទាន់នៅឡើយ

2018-11-19 02:09:26
ព័ត៌មាន

2018-11-19 02:09:26
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែងលោក ឃុន ក្ដឹប ហៅនាយក្ដឹបពេលនេះកំពុងស្ថិតក្នុងសង្គ្រោះបន្ទាន់នៅមន្ទីរពេទ្យកាម៉ែត្រនៅឡើយ ដោយទើបនឹងដឹងខ្លួន ក្រោយទទួលបានការសង្គ្រោះបន្ទាន់ជាច្រើនម៉ោង។

បើតាមការឲ្យដឹងពីអ្នកស្រី ហួន ផាត ដែលត្រូវជាភរិយានាយក្ដឹបនៅម៉ោងប្រហែល៦ព្រឹកម្សិលមិញនេះ នាយស្រាប់តែមានអាការៈទន់ដៃទន់ជើងហើយក៏សន្លប់ ភ្លាមៗក្រុមគ្រួសារបានដឹកមកសង្គ្រោះបន្ទាន់កាលម៉ែត្រ។ ភរិយាតារាកំប្លែងជើងចាស់រូបនេះបានបន្តឲ្យដឹងថា ក្រោយក្រុមគ្រូពេទ្យពិនិត្យឃើញថា នាយក្ដឹបមានជំងឺស្ពោតសរសៃឈាមនៅខួរក្បាល ហើយមកទល់ពេលនេះស្ថិតក្នុងបន្ទាប់សង្គ្រោះបន្ទាន់នៅឡើយ។ អ្នកស្រីថា នាយក្តឹបទើបតែដឹងខ្លួននៅព្រឹកនេះ ទោះបីជាស្វាមីដឹងខ្លួនក្តី តែនិយាយខ្សាវៗ ស្តាប់មិនបាននោះទេ ហើយមិនទទួលទានអ្វីទាំងអស់។

មុនមកដល់ការសង្គ្រោះបន្ទន់អ្នកស្រី ហួន ផាត ប្រាប់ថា ស្វាមីអ្នកស្រីមានជំងឺបេះដូងដោយ ក្នុង១០ថ្ងៃឬកន្លះខែត្រូវមកជួបពេទ្យម្ដង។

តារាកំប្លែងលោក ឃុន ក្ដឹប ហៅនាយក្ដឹបមានវ័យ៥៨ឆ្នាំ តារាកំប្លែងរូបនេះមានប្រលូកលើវិថីសិល្បៈជិត៣០ឆ្នាំមកហើយ។ នាយមានកូន៥នាក់ ស្រី៣ និង មានថៅ៦នាក់។ សេដ្ឋកិច្ចក្រុមគ្រួសារទាំងមូល គឺពឹងលើតារាកំប្លែងរូបនេះទាំងស្រុង។ ភរិយារបស់នាយ សូមស្នើទៅសប្បុរសជនក៏ដូចជាសមាគមសិល្បៈមេត្តាជួយស្វាមីអ្នកស្រីផង ព្រោះអ្នកស្រី មិនមានលទ្ធភាពច្រើន ក្នុងការព្យាបាលប្ដីឡើយ៕