Bogeum ថ្លែងពីចិត្តពិតចំពោះដៃគូ ស្របពេល Hyekyo រម្លឹករឿងមួយពីប្ដីទាក់ទងរឿងថ្មី

2018-11-21 09:11:55
ព័ត៌មាន

2018-11-21 09:11:55
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងថ្មីដែលមានវត្តមានសម្ដែងរបស់ Park Bogeum និង Song Hye Kyo ជិតបង្ហាញខ្លួនជាផ្លូវការហើយ ហើយតួសម្ដែងសំខាន់ៗក៏បានមកជុំគ្នាធ្វើសន្និសីទកាសែតស្វាគមន៍ការមកដល់របស់រឿងដែរ។

ថ្ងៃទី ២១ ខែវិច្ឆិកា ឆ្នាំ ២០១៨ តារាសម្ដែង ដែលជាតួឯកក្នុងរឿងបានមកជុំគ្នាក្នុងសន្និសីទកាសែតរបស់រឿង "Encounter”។ អំឡុងពេលផ្ដល់បទសម្ភាស Park Bogeum ត្រូវបានសួរថា តើលោកមានអារម្មណ៍យ៉ាងណាពេលបានសម្ដែងជាមួយនឹងរៀមច្បង Song Hyekyo? ឆ្លើយតបនឹងសំណួរនេះ Bogeum បាននិយាយថា៖ "ខ្ញុំមានអារម្មណ៍ថាពិតចាមានកិត្តិយសដែលបានរួមការងារជាមួយគាត់។ គាត់គឺជាមនុស្សចេះគិតគូរ និងតែងមើលថែខ្ញុំ។ វាហាក់ដូចជាតឹងតែងបន្តិចដែរនៅពេលជួបគាត់ដំបូង ប៉ុន្តែយើងទាំង ២កាន់តែស្និទ្ធគ្នា ពេលថតរឿង។ គាត់តែងទិញអាហារឲ្យខ្ញុំញ៉ាំ ហើយតែងផ្ដល់ដំបូន្មានល្អៗឲ្យខ្ញុំ ទាក់ទងនឹងការសម្ដែង”។

ងាកទៅ Song Hyekyo វិញនិយាយថា៖ "មនុស្សជាច្រើនគិតថាពួកខ្ញុំទាំង ២ស្និទ្ធគ្នា ប៉ុន្តែនិយាយតាមត្រង់ ពួកយើងមិនដែលស្គាល់គ្នាច្បាស់ទេពីមុន។ គាត់ក្មេងជាងខ្ញុំ ប៉ុន្តែពេលខ្លះខ្ញុំក៏មានអារម្មណ៍ពិបាកដែរពេលនៅជិតគាត់”។

ពេលនិយាយទាក់ទងនឹងស្វាមី Hyekyo បញ្ជាក់ថា៖ "គាត់ (Song Joong Ki) បានប្រាប់ខ្ញុំឲ្យខំប្រឹងប្រែងធ្វើការ ហើយគាត់ក៏និយាយដែរថានឹងតាមដានរឿងថ្មីនេះដោយក្ដីរីករាយបំផុត”។

សូមបញ្ជាក់ដែរថា "Encounter” នឹងបង្ហាញខ្លួនជាផ្លូវការនៅថ្ងៃទី ២៨ ខែវិច្ឆិកា ឆ្នាំ ២០១៨ខាងមុខ នៅលើទូរទស្សន៍ tvN៕