- 2018-11-28 03:25:24
- ព័ត៌មាន
ស្ងាត់ៗ មាស សាលី ជ្រើសបានតារាចម្រៀងវ័យក្មេងម្នាក់ មានសំឡេងធ្ងន់ ខ្ពស់ ពីរោះ!
- 2018-11-28 03:25:24
- ចំនួនមតិ 0 | ចំនួនចែករំលែក 0
ស្ងាត់ៗ មាស សាលី ជ្រើសបានតារាចម្រៀងវ័យក្មេងម្នាក់ មានសំឡេងធ្ងន់ ខ្ពស់ ពីរោះ!
ចន្លោះមិនឃើញ
លោក មាស សាលី ក្នុងនាមជាគណៈកម្មការ ទើបបានតារាចម្រៀងជើងថ្មីម្នាក់ ដែលលោកអះអាងថា មានទឹកដមសំឡេងខ្ពស់ ធ្ងន់ពីរោះ ក្នុងចំណោមបេក្ខជនប្រឡងរាប់រយនាក់។
យុវជនរូបនេះ ត្រូវបានឲ្យដឹងថា មានឈ្មោះ និត សីហា អាយុ ២១ឆ្នាំ មកពីស្រុកវាលវែង ខេត្តពោធិ៍សាត់។ សីហា ជាប់ជយលាភីលេខ១ ក្នុងការប្រឡងជ្រើសរើសតារាចម្រៀងរបស់ផលិតកម្ម Green Moon ដែលទើបនឹងបើកដំណើរការថ្មី។ ឆ្លងកាត់ការប្រឡងប្រជែងជាច្រើនវគ្គ ក្នុងចំណោមបេក្ខជនជាង ២០០នាក់ យុវជនមកពីខេត្តពោធិ៍សាត់ បានមកដល់វគ្គ ៨នាក់ចុងក្រោយ និងបានវាយផ្ដាច់យកឈ្នះបេក្ខជន៧នាក់ផ្សេងទៀត យកចំណាត់លេខ១។
គណៈកម្មការ មាស សាលី បញ្ជាក់ថា សីហា មានចំណុចល្អ ក៏ដូចជាអំណោយផលជាច្រើន។ "បាទ គាត់មានរូបរាងស្អាតបាត សាកសមជាតារា សំខាន់ជាងនេះ គាត់មានសមត្ថភាពចម្រៀងល្អ ទឹកដមសំឡេងល្អ ធ្ងន់ ខ្ពស់ ដែលអាចច្រៀងបទមានតុងខ្ពស់ៗបានល្អ។ មួយទៀត គាត់នៅវ័យក្មេង អាចមានពេលដុះខាតសមត្ថភាពបានច្រើនទៀត អីចឹងហើយទើបខ្ញុំជ្រើសរើសយកគាត់ជាជយលាភី"។
និត សីហា ទទួលបានពានចំនួន១ បូករួមនឹងប្រាក់រង្វាន់មួយចំនួនទៀត ព្រមទាំងក្លាយជាតារាចម្រៀងផលិតកម្ម Green Moon ដែលត្រៀមខ្លួនប្រឡូកពេញទំហឹងក្នុងទីផ្សារសិល្បៈតន្ត្រីរបស់កម្ពុជា។ ដោយឡែកបេក្ខភាព៧នាក់ចុងក្រោយផ្សេងទៀត ក៏នឹងក្លាយជាតារាចម្រៀងរបស់ផលិតកម្មថ្មីថ្មោងមួយនេះដែរ គ្រាន់តែមិនទទួលបានពាន និងប្រាក់រង្វាន់ដូចជយលាភីលេខ១ និត សីហា។ នេះបើតាមគណៈកម្មការ មាស សាលី។
មិនទាន់មានព័ត៌មាននៅឡើយថា ផលិតកម្ម Green Moon ដែលចាងហ្វាង ត្រូវបាន មាស សាលី អះអាងថាប្អូនរបស់លោកនោះ ត្រៀមនឹងចេញបទចម្រៀងដំបូងរបស់ខ្លួននៅពេលណាឡើយ។ ប៉ុន្តែថា បទចម្រៀងវាយលុកទីផ្សារនឹងចេញមិនយូរ បន្ទាប់រើសបានតារាចម្រៀងសព្វគ្រប់រួចនេះ៕
តោះ...ស្ដាប់ទឹកដមសំឡេងតារាចម្រៀងមកពីពោធិ៍សាត់ទាំងអស់គ្នា ពីរោះប៉ុណ្ណា?
