លែងគ្នាយូរហើយ តែព្រោះមូលហេតុ ១នេះ ទើប Hawick និង Yang Mi សម្រេចប្រកាសពេលនេះ

2018-12-24 03:30:16
ព័ត៌មាន

2018-12-24 03:30:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងលែងលះរបស់ Hawick Lau និង Yang Mi បានធ្វើឲ្យបណ្ដាញសារព័ត៌មាននាំគ្នាចុះផ្សាយព្រាតពេញទ្វីបអាស៊ី និងធ្វើឲ្យអ្នកគាំទ្រភ្ញាក់ផ្អើលជាខ្លាំង ស្ទើរមិនចង់ឲ្យវាក្លាយជាការពិត។

ព័ត៌មាននេះបានបង្កភាពចលាចល បណ្ដាលឲ្យមហាជននាំគ្នាចែកចាយជាបន្តបន្ទាប់ តាំងពីថ្ងៃទី២២ ខែធ្នូ ឆ្នាំ ២០១៨។ ទោះបីរឿងលែងលះរវាងអ្នកទាំង ២ផ្អើលតាំងពីយូរក៏ដោយ ប៉ុន្តែពួកគេទើបតែសម្រេចប្រកាសការពិតនៅប៉ុន្មានថ្ងៃចុងក្រោយនេះ។ តើមានមូលហេតុអ្វីបានជាអតីតប្ដីប្រពន្ធមួយគូនេះសម្រេចទម្លាយរឿងពិតនៅថ្ងៃនេះ?

កាលនៅជុំគ្នា

ជាក់ស្ដែងការពិតត្រូវបានបង្ហាញ ពីក្រោយការសម្រេចចិត្តរបស់ពួកគេដែលជ្រើសយកថ្ងៃទី ២២ ខែធ្នូមកបង្ហាញលែងលាក់។ ផ្អែកតាមបព័ត៌មាន បានឲ្យដឹងថា តាមពិតពួកគេបានដាក់ពាក្យបញ្ចប់ទំនាក់ទំនងជាប្ដីប្រពន្ធតាំងពី ២ខែមុនមកម្ល៉េះ នៅក្នុងប្រទេសកាណាដា ព្រោះកាលពីរៀបការពួកគេបានចុះសំបុត្រអាពហា៍ពិពាហ៍នៅប្រទេសនោះដូចគ្នា។ ប៉ុន្តែ Hawick និង Yang Mi ចង់រក្សាការសំងាត់សិន និងទើបដាច់ចិត្តបង្ហាញនៅថ្ងៃ ២២ ខែធ្នូ ដោយសារអំឡុងពេលនេះ គឺជារដូវកាលឈប់សម្រាកថ្ងៃបុណ្យណូអែល ហើយនៅសាលាក៏អត់រៀនដែរ។ ហេតុនេះវាជាពេលល្អបំផុតសម្រាប់កូនស្រីដែលមិនចាំបាច់ទៅរៀន រឹតតែមិនបាច់ត្រូវគេចពីភ្នែកគ្រប់គ្នា ស្របពេលឪពុកម្ដាយមានរឿងលែងលះទៀត។ សរុបជារួម អ្នកទាំង ២ដែលជាម្ដាយឪពុកគិតគូរដល់កូនបំផុត ទើបសម្រេចយកថ្ងៃនេះ មូលហេតុគឺមិនចង់ឲ្យកូនរងនូវផលប៉ះពាល់នឹងជីវិតឯកជន។