- 2018-12-25 02:15:00
- ជីវិតតារា
ទីបំផុត Miley និង Liam រៀបការជាមួយគ្នាស្ងាត់ៗ ក្រោយភ្ជាប់ពាក្យអស់រយៈពេល ៦ ឆ្នាំ
- 2018-12-25 02:15:00
- ចំនួនមតិ 0 | ចំនួនចែករំលែក 0
ទីបំផុត Miley និង Liam រៀបការជាមួយគ្នាស្ងាត់ៗ ក្រោយភ្ជាប់ពាក្យអស់រយៈពេល ៦ ឆ្នាំ
ចន្លោះមិនឃើញ
តារាចម្រៀង Miley Cyrus និងគូដណ្ដឹង Liam Hemsworth បានធ្វើឲ្យគ្រប់គ្នាដាក់ការសង្ស័យយ៉ាងខ្លាំង ថាមានរៀបការនឹងគ្នាស្ងាត់ៗ ក្រោយបណ្ដុំរូបភាពនៃការប្រារព្ធពិធីជាមួយសាច់ញាតិរបស់ពួកគេត្រូវបានទម្លាយ។
រឿងមួយនេះបានបែកធ្លាយ ខណៈកាលពីថ្ងៃអាទិត្យមុននេះ មិត្តរបស់ពួកគេម្នាក់ឈ្មោះ Conrad Carr បានបង្ហោះរូបភាពរបស់គូស្នេហ៍មួយគូនេះ កំពុងរៀបកាត់នំជាមួយគ្នា លើបណ្ដាញសង្គម Instagram។ តាមរូបភាពដែលបានបង្ហោះនោះ បង្ហាញឲ្យឃើញថា Miley ស្លៀករ៉ូបពណ៌ស ខណៈ Liam ស្ថិតក្នុងឈុតធំខ្មៅ ដែលមើលទៅ ពួកគេពិតជាកំពុងរៀបការមែន។ អ្វីដែលបញ្ជាក់រឹតតែច្បាស់ជាងនេះទៀតនោះគឺ រូបប៉េងប៉ោងនៅពីក្រោយពួកគេគឺក្នុងរូបរាងជាអក្សរ "Mr និង Mrs” ដែលប្រាកដណាស់ថា តារាល្បីមួយគូនេះ ពិតជាបានរៀបការជាមួយគ្នាពិតមែន។
គួររម្លឹកដែរ តារាចម្រៀង Miley Cyrus និង Liam Hemsworth បានភ្ជាប់ពាក្យជាមួយគ្នាក្នុងឆ្នាំ ២០១២ ប៉ុន្តែ មួយឆ្នាំក្រោយ ពួកគេក៏បានសម្រេចលុបចោលការភ្ជាប់ពាក្យនោះវិញ។ រហូតដល់ឆ្នាំ ២០១៦ ពួកគេទាំង២ បានសម្រេចចិត្តត្រឡប់រកគ្នាជាថ្មី៕
