The Rock ធ្វើឲ្យម្ដាយស្រក់ទឹកភ្នែក ពេលជូនកាដូធំមួយនេះ (វីដេអូ)

2019-01-01 04:55:00
ព័ត៌មាន

2019-01-01 04:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីបុណ្យគ្រិស្តម៉ាស បានកន្លងផុតទៅក៏ដោយ ប៉ុន្តែអ្នកគាំទ្ររបស់ The Rock ជាច្រើននៅតែមិនទាន់បំភ្លេចបាននូវពេលវេលាដ៏សែនមានន័យ ពេលអតីតអ្នកកីឡាកាសរូបនេះ ធ្វើរឿងកតញ្ញូមួយជូនអ្នកម្ដាយ។

Dwayne Johnson ឬ The Rock បានធ្វើឲ្យម្ដាយស្រក់ទឹកភ្នែកពេលលោកជូនកាដូដ៏មានតម្លៃក្នុងឱកាសបុណ្យគ្រិស្តម៉ាស។ តារាប្រុសវ័យ ៤៦ឆ្នាំរូបនេះ បានបង្ហោះវីដេអូនៅលើគណនី Instagram ដោយបង្ហាញឲ្យឃើញពីសកម្មភាព ពេលម្ដាយបើកកាដូ និងដឹងថាអ្វីដែលលោកស្រីទទួលបានពីកូនប្រុសពេលនេះគឺជាគេហដ្ឋានថ្មី។ ភ្លាមៗអ្នកស្រីស្រាប់តែយំ ព្រោះរំភើបភ្ញាក់ផ្អើលនឹងទឹកចិត្តរបស់កូនប្រុសម្នាក់នេះ។

ងាកទៅជីវិតកាលពីអតីត គ្រួសាររបស់ The Rock រស់នៅយ៉ាងលំបាកក្នុងផ្ទះតូច នៅជាយក្រុង ហើយការរស់នៅរបស់លោក និងគ្រួសារពេលនោះប្រៀបដូចជនអនាថាគ្មានទីពឹង។ នេះបើតាមអ្វីដែល The Rock បានបង្ហើប។

លោកនៅបន្តថា ផ្ទះដំបូងដែលលោកទិញជូនម្ដាយឪពុកគឺតាំងពីឆ្នាំ ១៩៩៩។ ប្រមាណ ៥ឆ្នាំក្រោយ ពួកគេក៏បានលែងលះគ្នា ហើយពេលនោះហើយដែលរឿងស្មុគស្មាញ រញ៉េរញ៉ៃបានកើតឡើងបន្តបន្ទាប់។ ដោយសារបែបនេះហើយ ទើបជម្រុញចិត្តលោក ឲ្យធ្វើរឿងអ្វីមួយដើម្បីអ្នកមានគុណ តាមអ្វីដែលលោកទាំង ២ត្រូវការ។ ដោយឡែកសម្រាប់នៅពេលនេះ ពិតជាពិសេស និងមានន័យបំផុត ពេលបានធ្វើល្អតបស្នងចំពោះម្ដាយ៕