- 2019-01-31 03:30:00
- ជីវិតតារា
រីករាយដើមឆ្នាំ! តារាល្បីៗកើតក្នុងខែមករា ធ្វើខួបឡើងសប្បាយ
- 2019-01-31 03:30:00
- ចំនួនមតិ 0 | ចំនួនចែករំលែក 0
រីករាយដើមឆ្នាំ! តារាល្បីៗកើតក្នុងខែមករា ធ្វើខួបឡើងសប្បាយ
ចន្លោះមិនឃើញ
សម្រាប់ដើមឆ្នាំ២០១៩ មានតារាសម្តែង និងចម្រៀងជាច្រើន មានខួបកំណើតក្នុងខែ មករា ។ ថ្ងៃពិសេសមានតែម្តង ក្នុងមួយឆ្នាំរបស់តារាល្បីៗទាំងនេះ ត្រូវបានអ្នកសិល្បៈ សាច់ញាតិ និងអ្នកគាំទ្រ Surprise ច្រើនដង រហូតធ្វើឲ្យម្ចាស់ខួបរំភើបចិត្ត ស្រក់ទឹកភ្នែកក៏មាន។ ក្នុងនោះមានដូចជា៖
១. សូដា នីតា
តារាសម្ដែងរូបនេះ មានថ្ងៃកំណើត ទី១ ខែមករា ចំថ្ងៃបុណ្យសាកលតែម្ដង។ ក្នុងថ្ងៃកំណើតរបស់តារាស្រីមានសម្រស់ក្មេង មិនចាស់តាមអាយុសម្រាប់ឆ្នាំនេះ ត្រូវសាច់ញាតិនិងអ្នកសិល្បៈ Surprise ខួបច្រើនដង និងមាននំខួបតូច ធំជាច្រើន។ ពិតជាធ្វើឲ្យថ្ងៃនោះ កាន់តែពិសេសទ្វេដងសម្រាប់ពិធីការីនីសំនួនវោហារមិនចេះរីងស្ងួត ឲ្យញញឹមបិទមាត់មិនជិតឡើយ។
២. សុភ័ក្រ្ក កុសុម៉ា
ពិធីការីនី សំបូរវោហារកំប្លុកកំប្លែងរូបនេះ មានថ្ងៃកំណើត ទី៤ ខែមករា។ មិនទាន់ដល់ថ្ងៃខួបស្រួលបួលផង តារារូបនេះត្រូវសាច់ញាតិនិងម្ដាយ Surprise ខួប ដល់ក្នុងបន្ទប់ឡើងដាច់ផ្ញា។ ដល់ថ្ងៃខួប ទាំងអ្នកចូលរួម និងម្ចាស់ខួបសុទ្ធតែកំពូលកូរដូចគ្នា ធ្វើឲ្យពិធីពេញដោយការសើចក្អាកក្អាយ ។ លើសពីនេះ តាប៊ុយ ក៏មានវត្តមានក្នុងថ្ងៃពិសេសរបស់ពិធីការីនី ប្រចាំកម្មវិធី "ពេញចិត្តឬអត់" ផងដែរ។
៣. យូរី
ម្ចាស់បទ "ចាក់ទឹកដូង" មានថ្ងៃខួបនៅថ្ងៃទី១០ ខែមករា ឈានចូលវ័យ២៥ឆ្នាំ។ អ្វីកាន់តែពិសេស គឺអ្នកគាំទ្ររបស់តារាមុខដូចកូរ៉េរូបនេះ បានរៀបចំលុយចំនួន ៥ពាន់ដុល្លារ ដោយថតជាវីដេអូជូន Idol របស់ខ្លួនផងដែរ។ ដោយសារតែស្រលាញ់ អ្នកគាំទ្រថែមទាំងសន្យាថា ខួបឆ្នាំក្រោយនឹងទិញកាបូប Brand ថ្មីមួយឲ្យយូរី ថែមទៀត។ ក្រៅពីអ្នកគាំទ្រ ក៏មានមិត្តសិល្បករជាច្រើនបានទិញនំ និងវត្ថុអនុស្សាវរីយ៍ជាច្រើន ឲ្យតារាចម្រៀងនៅផលិតកម្មសាន់ដេ រូបនេះ យ៉ាងសប្បាយរីករាយផងដែរ។
៤. ផន ស្រីខួច
ថ្ងៃទី ១៣ មករា ជាថ្ងៃកំណើតរបស់ម្ចាស់បទ "ជីវិតអ្នកម្ដាយ" ដោយកញ្ញា បានរៀបចំយ៉ាងសាមញ្ញ។ ក្នុងថ្ងៃពិសេសនេះ តារាចម្រៀងនៅផលិតកម្មហង្សមាស បានជូនពរខ្លួនឯង ឲ្យជួបស្នេហ៍ពិត សុខភាពល្អ និងក្តីស្រមៃគ្រប់យ៉ាងបានក្លាយជាពិត។ តារាចម្រៀងស្រគត់ស្រគំរូបនេះ កម្រធ្វើខួបធំដុំណាស់ ដោយរាល់ឆ្នាំរូបនាងតែងរៀបចំ បែបធម្មតាៗរីករាយជាមួយសមាជិកគ្រួសារនិងមិត្តជិតស្និទ្ធប៉ុណ្ណោះ។
៥. យ៉ាន លីនដា
តារាពូកែថែរាង និងសម្រស់រូបនេះ មានថ្ងៃកំណើត ចំថ្ងៃទី២២ ខែមករា ដោយពិធីឆ្នាំនេះធ្វើនៅប្រទេសអូស្ត្រាលី។ ឈានចូលវ័យ ៣៦ឆ្នាំ អ្នកម្ដាយកូនមួយ ប្រារព្ធឡើងយ៉ាងសាមញ្ញបំផុត ដែលមានតែការជួបជុំក្រុមគ្រួសារ និងមិត្តភក្ដិស្និទ្ធស្នាលប៉ុណ្ណោះ។ ទោះជាបានចាកឆ្ងាយពីសិល្បៈទៅនៅបរទេស ប៉ុន្តែមិត្តភ័ក្កិសិល្បៈនៅស្រុកខ្មែរជាច្រើន ក៏បានជូនពរដល់ យ៉ាន លីនដា ក្នុងថ្ងៃពិសេសនេះផងដែរ។
៦. មាស សុខសោភា
កំពូលតារាចម្រៀងសម្លេងផ្អែម រូបនេះមានថ្ងៃកំណើត ទី ២៩ ខែមករា។ ម្ចាស់បទ "Everywhere Together” បានជ្រើសរើសរ៉ូបពណ៌ក្រហម ពេញដោយការរចនាម៉ូដពិសេសពី លោក Oliva Kong ក្នុងថ្ងៃកំណើតខ្លួន យ៉ាងមានក្ដីសុខបំផុត។ ក្រៅពីអ្នកគាំទ្រ ក៏មានតារាចម្រៀងល្បីៗជាច្រើន បានជូនពរតារាសម្បូរប្រជាប្រិយភាពរូបនេះ ហូរហែ ធ្វើឲ្យខួបឆ្នាំនេះ កាន់តែពិសេសលើសឆ្នាំមុនៗ៕
