- 2019-03-11 03:30:23
- ព័ត៌មាន
ប្លែកខ្លាំងលើកនេះ អេនឌី ចាប់ដៃ ម៉ៅ ស៊ីណាត ត្រៀមចេញបទពីរោះ បែបកំប្លុកកំប្លែង
- 2019-03-11 03:30:23
- ចំនួនមតិ 0 | ចំនួនចែករំលែក 0
ប្លែកខ្លាំងលើកនេះ អេនឌី ចាប់ដៃ ម៉ៅ ស៊ីណាត ត្រៀមចេញបទពីរោះ បែបកំប្លុកកំប្លែង
ចន្លោះមិនឃើញ
លោក អេនឌី ដែលប្រិយមិត្តធ្លាប់ឃើញភាគច្រើននិយមភាពសិចស៊ី និងបានផ្លាស់ប្ដូរមកនិយមស្រគត់ស្រគុំវិញនោះ ឥឡូវនេះរឹតតែផ្លាស់ប្ដូរ ១៨០ដឺក្រេទៀត ដោយចេញបទបែបកំប្លុកកំប្លែងម្ដង ជាមួយ ម៉ៅ ស៊ីណាត ។
បទចម្រៀងថ្មីរសជាតិប្លែកនេះ មិនមែនជាបទនិពន្ធថ្មីទេ។ តែលោក អេនឌី ប្រាប់ថា សុទ្ធជាបទមរតកដើម ទាំងមានចំនួន ៣បទ។ បទទាំងនោះមាន "ចោរលួចបេះដូង" “នរណាហ្នឹងអូន" និងបទ "ប្រញាប់តែប្រចណ្ឌ"។ រិតតែប្លែកពីរាល់ដង អេនឌី បានចាប់ដៃគូជាមួយតារាចម្រៀង ម៉ៅ ស៊ីណាត ជំនួសឲ្យតារាស្រីក្មេងៗ ស្អាត ដូចដែលលោកធ្លាប់បានធ្វើ។
ជាមួយគ្នា លោកថែមទាំងផ្ដល់អាទិភាព ឲ្យដៃគូជាអ្នករើសបទចម្រៀងថែមទៀត ដោយចុងក្រោយសម្រេចរើសបទទាំង៣ខាងលើ។ "គាត់បានរើសបទ ដែលស៊ីជាមួយគាត់ ខ្ញុំក៏យល់ព្រម ព្រោះចង់ធ្វើឲ្យប្លែកដែរ"។
១បទ ក្នុងចំណោមទាំងបីខាងលើបានចេញជា Video Audio រួចហើយ ហើយបទផ្សេងនឹងចេញបន្តបន្ទាប់ទៀត។ យ៉ាងណាក៏ដោយ លោកថា មិនទាន់បានចេញជាវីដេអូចម្រៀង នៅឡើយទេ ដោយលោកអះអាងថា បានថតចប់រួចហើយ នៅឡើយតែកាត់តប៉ុណ្ណោះ។ "តាមគម្រោង គឺចេញឆាប់ៗនេះហើយបង MV ព្រោះឥឡូវកំពុងកាត់...ហើយបងអើយ កំប្លុកកំប្លែងមើលហើយ សើចខ្លួនឯង"។
នេះជាចំណងដៃថ្មីមួយទៀត របស់តារាប្រុសខាងលើ ក្រោយពីទើបនឹងចេញបទ "កន្លែងក្រហម" ថ្មីៗនេះដែរ។ លោក អេនឌី បញ្ជាក់ថា បទចម្រៀងទាំង៣ខាងលើ លោកធ្វើដើម្បីអបអរបុណ្យចូលឆ្នាំប្រពៃណីជាតិខ្មែរដែលនឹងមកដល់នាពេលខាងមុខ។ ដូច្នេះហើយ លោកនឹងពន្លឿនក្រុមកាត់ត ដើម្បីបានចេញជូនប្រិយមិត្តបានទស្សនា និងស្ដាប់កម្សាន្តឆាប់ៗតាមតែអាចធ្វើបាន៕
