- 2019-03-16 02:20:23
- ព័ត៌មាន
ឡូយបាត់ មាន សូនីតា លេងណាត់អ្នកគាំទ្រទៅជួបគ្នានៅកោះពេជ្រ
- 2019-03-16 02:20:23
- ចំនួនមតិ 0 | ចំនួនចែករំលែក 0
ឡូយបាត់ មាន សូនីតា លេងណាត់អ្នកគាំទ្រទៅជួបគ្នានៅកោះពេជ្រ
ចន្លោះមិនឃើញ
មាន សូនីតា ដែលប្រិយមិត្តដាក់នាមឲ្យថាជា "រាជនីក្រមាខ្មែរ" នោះ ថ្មីៗនេះ បានចេញមុខប្រកូកប្រកាសថ្មីៗនេះ ដោយបបួលក្រុមអ្នកគាំទ្ររបសនាងទៅជួបគ្នានៅកោះពេជ្រ ក្រោយពីនាងខកខានជួបទាក់ទងជាមួយ Fan មួយរយៈមកហើយ។
ទីកន្លែងណាត់ជួប ត្រូវកំណត់យកនៅទីក្រុងកោះពេជ្រ ដោយសារថា នៅទីនោះ បាន និងកំពុងប្រារព្ធពិព័រណ៍បច្ចេកវិទ្យាឌីជីថលថ្នាក់ជាតិដំបូង ហៅថា "Digital Cambodia 2019” រយៈពេល៣ថ្ងៃ ។ តាមរយៈវីដេអូឃ្លីបប្រមាណជាង១នាទី រាជនីក្រមា ប្រាប់ថា មួយរយៈកន្លងមកនេះ នាងជាប់បេសកកម្មនៅបរទេសជាប់គ្នារដឹក ទើបមិនសូវបានជួបទំនាក់ទំនងជាមួយអ្នកគាំទ្រ។
នាងទើបត្រឡប់ចូលស្រុកវិញថ្មីៗ បន្ទាប់ពីត្រឡប់ពីប្រទេសជប៉ុន។ ស្អែកនេះ ថ្ងៃទី ១៧ មីនា ២០១៩ គឺជាថ្ងៃទី៣នៃកម្មវិធី ហើយនាងនឹងទៅចូលរួមព្រឹត្តិការណ៍ខាងលើ។ ដូច្នេះហើយ ទើបនាងសម្រេចយកទីក្រុងកោះពេជ្រ ជាទីណាត់ជួបជាមួយអ្នកគាំទ្រនាង។ "បងប្អូនអាចមកជួបថតរូបជាមួយនាងខ្ញុំ Selfie ជាមួយនាងខ្ញុំបាន ហើយសំខាន់ជាងនេះទៀត បងប្អូនអាចជួបជាមួយវាគ្មិនសំខាន់ៗផ្នែកបច្ចេកវិទ្យាជាច្រើនទៀត"។ នីតា ថ្លែង។
ម្ចាស់គម្រោង "ស្រឡាញ់" ប្រាប់ទៀតថា តាមគម្រោងនាងនឹងទៅដល់កោះពេជ្រទីតាំងប្រារព្ធពិព័រណ៍ "Digital Cambodia 2019” នៅរង្វង់ម៉ោង ៣រសៀល។ ដូច្នេះហើយ ប្រិយមិត្តរបស់នាងសូមកុំភ្លេច បើសិនចង់ជួបនាង និងចង់ចូលរួមព្រឹត្តិការណ៍ពិសេសខាងលើ។
ពិព័រណ៍បច្ចេកវិទ្យាឌីជីថលថ្នាក់ជាតិដំបូង ហៅថា "Digital Cambodia 2019” គឺជាកន្លែងប្រមូលផ្ដុំក្រុមហ៊ុនបច្ចេកវិទ្យាថ្នាក់ជាតិ និងថ្នាក់តំបន់ អ្នកជំនាញជាតិ និងអន្តរជាតិផ្នែកបច្ចេកវិទ្យាដ៏ធំបំផុតប្រចាំឆ្នាំ រៀបចំដោយ ជាវេទិកាពិភាក្សា នឹងចាប់បើកពីថ្ងៃ១៥ មីនា ស្អែកនេះ ដល់ថ្ងៃទី ១៧មីនា។ ព្រឹត្តិការណ៍នេះ រៀបចំដោយវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (វិទ្យាស្ថានជាតិ NIPTICT)។
Digital Cambodia 2019 មានគោលដៅ សម្រាប់ការត្រៀមខ្លួនជាស្រេចរបស់កម្ពុជាក្នុងការចាប់យកសេដ្ឋកិច្ចឌីជីថល និងការបង្ហាញនូវការរីកចំរើនប្រកបដោយសក្ដានុពលនៃបច្ចេកវិទ្យាឌីជីថល។ កម្មវិធីនេះត្រូវបានរៀបចំឡើងក្នុងគោលបំណងសំខាន់ៗជាអាទិ៍ ការបង្កើត Platform ថ្នាក់ជាតិបង្ហាញថា កម្ពុជាជាគោលដៅសម្រាប់ការវិនិយោគលើវិស័យបច្ចេកវិទ្យាព័ត៌មាននិងឌីជីថល៕
