- 2019-03-16 03:33:10
- ព័ត៌មាន
គួរឲ្យស្ដាយ! ជម្លោះតារាខ្មែរ និងតារាខ្មែរ ឈានដល់ផ្ទុះហិង្សា មានអ្នកបែកក្បាលហូរឈាមយប់មិញ!
- 2019-03-16 03:33:10
- ចំនួនមតិ 0 | ចំនួនចែករំលែក 0
គួរឲ្យស្ដាយ! ជម្លោះតារាខ្មែរ និងតារាខ្មែរ ឈានដល់ផ្ទុះហិង្សា មានអ្នកបែកក្បាលហូរឈាមយប់មិញ!
ចន្លោះមិនឃើញ
បេនីយុំាង និងកញ្ញា លីឡា វីន បានឈ្លោះគ្នាបែកផ្សែងលើហ្វេសប៊ុក ឥឡូវនេះ ស្រាប់តែឈានដល់ប្រើអំពើហិង្សាដាក់គ្នាទៀតនាយប់មិញ បណ្ដាលឲ្យបុរសម្នាក់ស្ថិតក្នុងភាគីរបស់កញ្ញា បេនីយុំាង បានរងរបួសបែកក្បាល។
ហេតុការណ៍ខាងលើ នាវេលាម៉ោង ៨ យប់ថ្ងៃទី ១៥ ខែមីនាឆ្នាំ ២០១៩ នេះ នៅចំណុចហាងមួយកន្លែង នៅតាមបណ្ដោយផ្លូវជាតិលេខ២ ក្នុងក្នុងភូមិសាស្ត្រសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ ភាគីជម្លោះបើតាមការរាយការណ៍ផ្ទាល់របស់ TVFB ពីកន្លែងកើតហេតុបានឲ្យដឹងថា ម្ខាងជាភាគីរបស់ បេនីយុំាង និងម្ខាងទៀតជាភាគី លីឡា លីន។
មិនទាន់មានរបាយការណ៍ពីមូលហេតុឈានទៅប្រើអំពើហិង្សាដាក់គ្នារហូតដល់មានអ្នករងរបួសចេញឈាមនេះទេ។ ប៉ុន្តែបុរសរងគ្រោះ ស្ថិតក្នុងវ័យកណ្ដាលម្នាក់ ដែលអះអាងថាជាបងរបស់ បេនីយុំាង បានប្រាប់ថា រូបគេអង្គុយទទួលទានអាហារសុខៗ ស្រាប់តែត្រូវភាគីរបស់តារាសិចស៊ី លីឡា វីន មកវាយក្បាលខ្លួន នឹងមួកសុវត្ថិភាព បណ្ដាលឲ្យបែកចេញឈាមតែម្ដង។
អ្នករងគ្រោះបញ្ជាក់ថា លីឡា វីន ដែលស្ថិតក្នុងកន្លែងកើតហេតុដែរ មិនមែនជាអ្នកប្រព្រឹត្តផ្ទាល់ទេ ប៉ុន្តែបុរសម្នាក់ ដែលគេអះអាងថាជា គ្នីគ្នារបស់តារាស្រី គឺជាអ្នកប្រព្រឹត្តហិង្សាលើខ្លួន។ ក្រោយពីកើតហេតុ ភាគីអ្នកបង្កបានចាកចេញពីកន្លែងកើតហេតុអស់។
ដោយឡែក បេនីយុំាង តាមរយៈបទសម្ភាសន៍ជាមួយបណ្ដាញទូរទស្សន៍អនឡាញខាងលើ បានប្រាប់ឲ្យដឹងថា នាងនឹងមិនបញ្ឈប់ករណីនេះបើ ប្រសិនបើមិនអាចរកយុត្តិធម៌ឲ្យសាច់ញាតិរបស់នាង។ "ខ្ញុំអត់ឈប់ទេ ឈ្លោះជាមួយខ្ញុំតាមហ្វេសប៊ុកដល់ណាដល់ណីហើយ ហើយរឿងអីក៏មករករឿងមនុស្សដែលពាក់ព័ន្ធនឹងខ្ញុំទៀត អីចឹងខ្ញុំនឹងមិនបញ្ឈប់រឿងហ្នឹងទេ ហើយខ្ញុំស្នើសមត្ថិកិច្ចមេត្តាជួយធ្វើរឿងហ្នឹងផង"។
លីឡា វីន និង បេនីយុំាង បានមានជម្លោះហែកហួរគ្នាទៅវិញទៅមកជាច្រើនខែណាស់មកហើយ នៅតាមបណ្ដាញសង្គមហ្វេសប៊ុក រកអ្នកឈ្នះចាញ់មិនខាង។ យ៉ាងប្រមាណ ២ ៣ ខែចុងក្រោយនេះ ពួកគេហាក់ស្ងប់ស្ងាត់រៀងខ្លួន។ ប៉ុន្តែទើបតែយប់មិញនេះ ជម្លោះក៏ចាប់ផ្ដើមជាថ្មី រហូតឈានដល់ប្រើហិង្សាធ្វើឲ្យមានអ្នករបួសចេញឈាមទៀត។ ករណីនេះ មិនទាន់ដឹងថា កើតឡើងដោយសារមូលហេតុអ្វីនៅឡើយ។
ជុំវិញការអះអាងរបស់ភាគី បេនីយុំាង ថា ភាគី លីឡា វីន ជាអ្នកបង្កនោះ គិតមកត្រឹមម៉ោង ១០ និង ១៥នាទីព្រឹកថ្ងៃទី ១៦ មីនា នេះ លីឡា វីន មិនទាន់អាចសុំការអធិប្បាយបានទេ ដោយទូរសព្ទនាងមិនមានអ្នកទទួល ក្រោយមានការហៅចូល៕
