ថ្ងៃបង្ហើយ មាន សូនីតា រ៉េត ស៊ូហ្សាណា និង G Devith លេចមុខព្រមគ្នានៅ Digital Cambodia

2019-03-17 10:10:18
ព័ត៌មាន

2019-03-17 10:10:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រឹមម្សិលមិញ មានតែកញ្ញា មាន សូនីតា ម្នាក់ប៉ុណ្ណោះ បានប្រកាសណាត់អ្នកគាំទ្ររបស់ខ្លួនមកជួបគ្នានៅ Digital Cambodia 2019 ប៉ុន្តែជាក់ស្ដែងមានតារាល្បី២ដួងទៀតគឺ កញ្ញា រ៉េត ស៊ូហ្សាណា និង ងួន ចាន់ដេវីដ ក៏មកដែរ។

នេះជាវត្តមានយ៉ាងកម្រ ដែលសិល្បករល្បីៗលេចវត្តមាន ក្នុងពិព័រណ៌បច្ចេកវិទ្យា ខណៈកន្លងមក ពួកគេច្រើនលេចមុខក្នុងកម្មវិធីពិព័រណ៌គ្រឿងអលង្ការ ឬគ្រឿងថែរក្សាសម្ផស្សច្រើនជាង។ ដូច្នេះហើយ វត្តមានរបស់ពួកគេ បានឆក់យកការចាប់អារម្មណ៍ខ្លាំងតែម្ដង ពីចំណោមទស្សនិកជនក្នុងព្រឹត្តិការណ៍ពិព័រណ៌បច្ចេកវិទ្យាដ៏ធំបំផុតប្រចាំឆ្នាំ ដែលក្នុងនោះភាគច្រើនជាយុវវ័យ។

ចំណុចគួរចាប់អារម្មណ៍ មាន សូនីតា បានឆ្ពោះមកកាន់បញ្ជររបស់ Sabay និងបានចូលរួមកម្សាន្តសប្បាយជាមួយបច្ចេកវិទ្យា VAR Skyboad ដ៏រំជើបរំជួល។ ដោយឡែក រ៉េត ស៊ូហ្សាណា វិញ បានឆ្ពោះទៅកាន់បញ្ឈររបស់ក្រុមការងារ E-Sport និង Cellcard។ តារាល្បីយើងម្នាក់ទៀត គឺលោក G Devith បានទៅកាន់បញ្ឈររបស់ Smart។

ពួកគេបានឲ្យដឹងដូចគ្នាថា ពួកគេប្លែកអារម្មណ៍មែនទែន ចំពោះព្រឹត្តិការណ៍នេះ ដែលពួកគេយល់ថា ជាព្រឹត្តិការណ៍ដ៏សំខាន់ ឆ្លុះបង្ហាញពីការវិវត្តន៍ និងភាពសំខាន់របស់បច្ចេកវិទ្យា ក្នុងការលើកកម្ពស់សេដ្ឋកិច្ចជាតិ។ ក្នុងន័យនេះ សម្ដេចនាយករដ្ឋមន្ត្រី ហ៊ុន សែន ទើបនឹងប្រកាសថ្មីៗ ចង់ឲ្យកម្ពុជាក្លាយជាប្រទេសដែលរីកចម្រើនផ្នែកបច្ចេកវិទ្យាស្របទៅនឹងតម្រូវការសង្គម ពាណិជ្ជកម្ម និងសេដ្ឋកិច្ចជាតិសព្វថ្ងៃ (E-People & E-government)៕